Aposolo Jaŋere Binaŋ 16:4-9

⁴Eme hae sâc rahuc, aposolo â micne Jerusalem haeo mumupaŋ mumbiŋ, i reŋkeniŋte opâ ruac jaza rapic.

⁵Iŋuc ehuc gie bapire Jesure kikefuŋ jaŋere mamanasiŋ ɋârâŋkewec â ʒoaŋ sâc qâpuczi jaŋerao ra heacmârec ekupie bocjaha embiŋ.

⁶Eme Asia mâreŋko miti murazo mupie Tiri Mârozi hecke‐jareme Frigia â Galatia mâreŋ fotâcnehuc rambiŋ.

⁷Raku Misia mâreŋ qaŋeŋnao fisirâ ŋifec bâŋorierâ Bitinia mâreŋko razo mupie Jesure Mârozi iŋuc jaha mi mana‐jarewec.

⁸Irec jaŋe Misia mâreŋ qacnerâ raku hâwecmecko Troa haeo fisimbiŋ.

⁹Ira fisirâ ŋafeo Paulo e maŋnezi ŋerisieme wiac kecʒiŋuc honewec: Makedonia ŋic moczi erao fuarâ domahuc mu wâsic ecnehuc ʒiŋuc âzâcnewec: “Go Makedonia mâreŋko fârâ bafic‐nâpozemec.”