A Umana Kakailai 64:4-10

⁴Upi diat a ponok ive ra tarai ba dia ko kakit; Dia ponok vakaian diat, ma pa dia burut.

⁵Dia varvargat vargiliane diat upi ra kaina magit; Dia tata guvai ba diat a kapi kun ivai; Dia biti: To ia na gire dat?

⁶Dia nuk tadav ra umana varpiam; Dia biti: Da tar mal ot pa kada ninunuk; Ma ra bala i ra tarai tikatikai ma ra nuknuk i diat i lulur.

⁷Ma God na ponok diat, Ma ra pu na tur vakaian diat.

⁸Ma da vabura diat, a karamea i diat iat i takun diat; Diat par dia gire ra balbali pire diat, diat a loe ra ulu i diat.

⁹Ma ra tarai par diat a burut, Ma diat a varvai ta ra papalum kai God, Ma diat a matoto ta kana varkurai.

¹⁰A umana tena takodo diat a ga tai ra Luluai, ma diat a rivarivan tana, Ma diat par ba i dovot ra bala i diat diat a pite varpa.