Miti Mânec 64:4-10

⁴Erâ somâckerâ fohuc ŋic bahacmâc qâtâcnecneeŋgopieŋ, hâwicmâc ɋeŋfâfâc muruniŋte.

⁵Wiac repicne eniŋte qaqafeŋ eeŋgopieŋ, kamiehuc bitiŋ râeniŋte muc manac eeŋgopieŋ, ehuc mueŋgopieŋ, “Mozi honec‐nâpoocmu?

⁶Mozi sindaŋ gie‐nâŋecte fuŋne rituocmu? Nâŋâc hatane soŋsoŋ foocte mana sarickehuc ʒaeckembeneŋ.” Ŋic maŋ mamanasu‐ticne utuckekicne fokac.

⁷Ehame Anuture tepe moteczi kicjopaocmu, ɋeŋnea muruc‐jopame fâfâreniŋmu.

⁸Jaŋacne nameŋzi hehawic‐jopame rândiŋkepie honec‐jopaniŋmuzi mu ruruc ejareniŋmu.

⁹Eme ŋic sasawa jaŋe hâhâwic mananiŋmu; ehuc Anutuzi wiac ekac irec mu binaŋ eniŋmu, â eebapa‐ticnere manatâc qâtâc eniŋmu.

¹⁰Ŋic tiŋnezi Wofuŋte bubiaŋ mananʒepieŋ, â ere dapeŋko soŋkenʒepieŋ. Maŋsioc tâmiric sasawa jaŋe mu ʒeri enʒepieŋ.