Godigo Nogi Ugwaba Sabo Tęąbi Po Wabo Buku Dabe 64:4-10

⁴Augwali te geme duala selama, tama te wiegi yai bidiba enego enani. Augwaligo te gagamua siyu, te wi me isiąma, tama augwaligo polo eneyu ebo dao.

⁵Augwaligo augwa digi dąų waliyu, tama te dwai kolesaga ebo dao. Augwaligo te gasa bidi tola somainu yabo te bono gągą muabo po miani. Tama augwa te tama homu yali, “Te mena bidi me deligo te da me sugobeo,” wai.

⁶Augwaligo te dwai kolesaga meba yabo po mia selama, tama augwa te po wai. “Dago yabo te dwai kolesaga me deli te homugo koneanio, tama te dago yainu ebo sę te bidi me deli gegeyu, koneainu ebaso, usu egobeo,” te po wai. Dago te bidi dabego haligade elalubo homu kolesaga te koneabo usu egobeo, te geme mu dualalubao.

⁷Tiali goli, te Godigo augwali te agai enego enebaso da, tama polo mu tama, te genuai keni pedelaibao.

⁸Augwaligo te gasa bidi dolabo po wai, tama tibaso, te Godigo augwali dolaibao. Te augwali subo bidi dabego te augwaliba te augwaligo dwai gisugu mu mayu, tama tobolu peme yaibao.

⁹Te tigidali we bidigo Godiba wi yaibao. Tama augwaligo Godigo te yali sę dabede po mimi peyu, tama tede sesemane homu kone palaibao.

¹⁰Te tigidali doloba pai we bidi augwaligo te Genuai Bidigo yali sęde wiegi yai pemene yaibao, tama augwali agaba pelama, te dwai sęde geme wi duala sigi paibao. Tama te tigidali doloba pai we bidi augwaligo te Genuai Bidigo nogi ugwaba saibao.