1 Lengte 8:46-62

⁴⁶“Amahon nangma douna ahungchonset jeng uva ahileh koihiachonse khalou um am? Nangmajeng jong nalung hanga agalmiteuna josahtheiahiloulehagalmiteuvin agam uva gal hing’a nakaimang sahthei jong ahi.

⁴⁷Ahinlah hiche a asoh channaumigam’a chu alung’u ahin hei uvanangma kom ahinbel uva, keiho kachonse uvin thilse tah tah bol kahitauve atiuva ahung tao uleh,

⁴⁸Hitia chu alungthim pumpi uvanangma kom ahinbel uva, hicheasohchan na’u gamchom munnakona chu nang in apu apateu nanapehna gam lang ahin ngat’u ahilouleh nang in na peh khopi lang ahinngat’u ahilouleh namin loupinadinga kahin tundoh hiche Houinlang hi ahin ngat uva ahung taouleh,

⁴⁹Hiteng chuleh na chenna vannakonin atao nau chu hin ngai inlangahahsatna’u hinvet peh tei jin.

⁵⁰Chujongle na mite hi nangmadouna a chonset teng uleh nangmadoumah abolnau achonset nau hinngaidam tei jin. Gal hing’a manghoagalmiteukhotonahinmusahteijin.

⁵¹Ajeh chu amaho namite Egypt meibang’a sa thohgim na akonana hin puidoh na deilhen nam miteahiuve.

⁵²Keima thilthum leh nami Israeltethilthum neihin vetpeh unlangamaho hin itih phat hijong leh nakom’a akana’u ngai peh tei tei jin.

⁵³Ajeh chu, O Leng chungnung Pakai nang in na soh Mose kom’achun Israelte hi leiset chunga namdang ho lah’a kon’a nang’a dinganami deilhen ahiuve nana tin ahi,” ati. Houin Kithenso Na

⁵⁴Solomon in hiche Pakai kom’aatao sunga chu akhut teni van chunglanga adop sang’a ana dilsu’a ahin; taona ho leh athil thum hohi achaiphat in Pakai maicham maija chuna dingdoh in,

⁵⁵Israel mipi ho jouse chu phattheiaboh in ahi.

⁵⁶“Pathen chu thangvah in umhen, ajeh chu aman amite Israel tehiaman ana kitepna jouse hi einateppeh bang bang un, ki choldonaphat chu eimu sah tauve. Amanalhachapa Moseakon’aanaphondohsa ana kitepna thil loupitah ho chu khatcha athon um louvinahin tongdoh soh kei tan ahi.

⁵⁷Pakai i-Pathen uvin ipu ipate’uana umpi bang in eiho jong ei-umpijing tauhen, aman ei dalhah da uhenlang ei-pai jong ei-pai doh hih beh u-hen!

⁵⁸Imalam jouse’a ama deilamhinkhoeimansah’uhenlang, chulehamathupehleh Dansemho ei nitsah’u henlang chulehalunglhaina lampia ipu ipate’u ana pui bang in eiho jong epui u-hen.

⁵⁹Chuleh Pakai anga tunia kataona thucheng hohi asun ajan ina-angsung’a ging jing hen, hitiachu ami Israel te hi nitin i-ngaichatdung jui uva thu dih’a eipui theinadiuvin.

⁶⁰Hiteng le chun vannoi leisetacheng mihem jousen Pakai bou hi Pathen ahi, adang aumpoi ti ahinhet diu ahitai.

⁶¹Hiteng chuleh nang hon jong Pakai i-Pathen kitahna lhingsetna najui diu, chuleh a chondan holeha thupeh ho jouse hi tuni chan geijana hinjui ahileh najui lhung keitheidi’u ahi,” ati.

⁶²Hijou chun Lengpa leh Israelmipiten kilhaina gantha abol tauvinahi.