عِسِرَيِلَ مَنفّيٍ ١ 8:46-62

⁴⁶«شَ عٍ سَ يُنُبِ رَبَ عِ رَ، عَلْ عَدَ مَدِ بِرِن دَرِشِ نَشَن نَ، شَ عِ بْحّ تٍ عٍ شِلِ مَ، عِ قَ عٍ سَ عٍ يَشُييٍ سَفٌي، عٍ قِندِ فٍيلِمَنِيٍ رَ يِرٍ مَكُيٍ، شَ نَ مُ عَ رَ يِرٍ مَكْرّشِ،

⁴⁷شَ عٍ بَرَ شَشِلِ سْتْ نَ كٌنيِيَ كُي، عٍ قَ عِ مَشَندِ عٍ شَ فٍيلِ كُي، ‹مُشُ بَرَ يُنُبِ رَبَ، مُشُ بَرَ قٍ حَاشِ رَبَ، مُشُ بَرَ كٌبِ،›

⁴⁸شَ عٍ مَن عٍ يّتّ رَفبِلٍن عِ مَ عٍ بْحّ قِيشّ رَ، عٍ نِي بِرِن نَ، عٍ قَ عِ مَشَندِ حَمَنّ مَ كٌنيِيَ كُي يِ بْشِ مَبِرِ، عِ نَشَن قِشِ عٍ بَبَيٍ مَ، عَ نُن يِ تَا مَبِرِ، عِ نَشَن سُفَندِشِ، عَ نُن يِ بَنشِ مَبِرِ، ﭑ نَشَن تِشِ عِ بّ،

⁴⁹عِ شَ نَ قٍ مَتٌ كٍلِقٍ كٌورٍ مَ عِ مَفٌرٌشِ دّننَشّ، عِ شَ عِ تُلِ مَتِ عٍ شَ مَشَندِ نُن عٍ وَ شُي رَ، عِ شَ كِيتِ تِنشِنشِ سَ عٍ بّ،

⁵⁰عِ شَ دِحّ عِ شَ حَمَ مَ نَشَن يُنُبِ رَبَشِ عِ رَ. عِ شَ عٍ شَ يُنُبِيٍ شَقَرِ عٍ نَشَن نَبَشِ عِ رَ. عِ شَ هِننّ عٍ رَ عٍ يَشُييٍ يَ شْرِ، عَلَكٌ عٍ يَشُييٍ قَن شَ هِننّ عٍ رَ.

⁵¹عٍ قِندِشِ عِ شَ حَمَ نَن نَ، عِ كّ تٌنفٌي، عِ نَشٍيٍ رَ مِنِ مِسِرَ بْشِ رَ كٌنيِيَ كُي.»

⁵²«يَكْسِ، ﭑ مَرِفِ عَلَ، عِ شَ مُشُ شَ مَشَندِ مَتٌ، عِ شَ عَ رَ مّ، مُشُ نَشَن نَبَشِ يِ بَنشِ كُي،

⁵³بَرِ مَ عِ تَن نَن مُشُ بَ دُنِحَ بْنسْي تَفِ مُشُ شَ قِندِ عِ كّ تٌنفٌي رَ، عَلْ عِ عَ مَسٍن عِسِرَيِلَ بّ كِ نَشّ عِ شَ كٌنيِ مُنسَ سَابُي رَ، عَ تٌ مُشُ بٍنبَيٍ رَ مِنِ مِسِرَ بْشِ رَ.»

⁵⁴مَنفّ سُلٍمَنِ تٌ فّ نَ مَشَندِ تِدٍ عَلَتَلَ بّ، عَ نَشَ كٍلِ عَلَتَلَ شَ سّرّشّبَدٍ يِرٍ، عَ شِنبِ نُ سِنشِ دّننَشّ عَ بّلّشّيٍ عِتٍشِ كٌورٍ مَ.

⁵⁵نَ تّمُي عَ نَشَ تِ عِسِرَيِلَ حَمَ يَ شْرِ، عَ دُبَ عٍ بّ عَ شُي عِتٍشِ رَ. عَ نَشّ،

⁵⁶«تَنتُي نَ عَلَتَلَ بّ، نَشَن بَرَ مَلَبُي قِ عَ شَ حَمَ عِسِرَيِلَ مَ، عَلْ عَ عَ مَسٍن كِ نَشّ. عَ مَسٍنيِ نَشٍيٍ تِ عَ شَ كٌنيِ عَننَبِ مُنسَ سَابُي رَ، كٍرٍن مُ نَ عَ مُ نَشَن نَكَمَلِ.

⁵⁷وٌن مَرِفِ عَلَتَلَ شَ لُ وٌن سّيتِ مَ عَلْ عَ رَبَ وٌن بٍنبَيٍ بّ كِ نَشّ. عَلَ نَشَ وٌن نَبٌلٌ، عَ نَشَ وٌن نَبّحِن.

⁵⁸عَلَ شَ وٌن بْحّ يَ مَقِندِ عَ مَ، عَلَكٌ وٌن شَ وٌن حّرّ عَ شَ كِرَ شْن مَ، وٌن شَ عَ شَ يَامَرِ بِرِن نَبَتُ، وٌن شَ فبِلٍن قٍيٍ قْشْ رَ عَ تْنيِ دْشْشِ نَشٍيٍ رَ، وٌن شَ بِرَ عَ شَ سّرِيّ قْشْ رَ عَ نَشَن سٌ وٌن بٍنبَيٍ يِ رَ.

⁵⁹عَلَ شَ رَتُ ﭑ مَ مَشَندِ مَ كْي نُن يَنيِ. وٌن مَرِفِ عَلَتَلَ شَ ﭑ تَن عَ شَ كٌنيِ نُن عَ شَ حَمَ عِسِرَيِلَ مَكَنتَ قٍ حَاشِ مَ لْشْي بِرِن،

⁶⁰عَلَكٌ دُنِحَ بِرِن شَ عَ كٌلٌن عَ عَلَتَلَ نَن نَ عَلَ رَ. عَلَ فبّتّ مُ نَ.

⁶¹وٌ بْحّ بِرِن شَ لُ وٌن مَرِفِ عَلَتَلَ نَن بّ، عَلَكٌ وٌن شَ عَ شَ يَامَرِيٍ رَتِنمّ، وٌن شَ وٌن حّرّ عَ شَ سّرِيّ مَ عَلْ وٌ دَرِشِ عَ رَ كِ نَشّ.»

⁶²مَنفّ نُن عِسِرَيِلَ حَمَ بِرِن نَشَ سّرّشّ بَ عَلَتَلَ بّ.