1 Korinti 10:10-27

¹⁰Aôc gêdô atôm êsêacnêŋ ŋagêdô sêôc gêdô naŋ atom. Êsêac sêgôm, tec aŋela siŋŋa gêjac êsêac endu.

¹¹Biŋ tonaŋ ŋai kêtap êsêac sa kêtu ŋadôŋdôŋ ma teto gêc gebe êkêŋ puc aêac gebe nom ŋatêm êmbacnêŋa mêŋ-kêdabiŋ aêac sugac.

¹²Amboac tonaŋ ŋac, taŋ geboc kêkô ŋajaŋa naŋ, ejop tau gebe ênac tau êndu atom.

¹³Lêtôm taŋ kêtap amac sa naŋ, Iêtôm kaiŋ teŋ atom, lêtôm ŋamalacŋageŋ. Ma Anôtô eŋ ŋac ŋaŋêŋ, tec êlôc gebe letôm êtap amac sa êlêlêc ôlimwalô su atom. Lêtôm embe êtap amac sa, oc êmansaŋ lêŋ awê letôm saŋa, ma êpuc amac tôŋ e atôm gebe aôc letôm tau.

¹⁴O lauace, amboac tonaŋ aêc sakiŋ gwamŋa sumaŋ.

¹⁵Amac lau tokauc, tec kasôm biŋ gêdêŋ amac. Amac taôm ansaê biŋ, tec jasôm nec.

¹⁶Aêac tajam daŋge Anôtô kêpi laclu moasiŋŋa ma embe tanôm, go tawe kaiŋ Kilisine dec dawiŋ atom me. Ma embe taniŋ polom, taŋ tapô êkôc naŋ, go tawe kaiŋ Kilisinê ôli dawiŋ atom me.

¹⁷Polom tageŋ tec gêc, tec aêac lau taêsam tatu ôli tageŋ, gebe aêac samob tawê kaiŋ polom tageŋ.

¹⁸Alic lau Israel acgom. Lau taŋ seŋ da naŋ, sêwê kaiŋ sakiŋ altarŋa tonaŋ.

¹⁹Aê jasôm biŋ amboac ondoc. Jasôm gebe da gwamŋa tau gêŋ ŋanô teŋ me. Me gwam tau gêŋ ŋanô. Masianô.

²⁰Mago gabe jasôm tonec gebe Gêŋ taŋ lau samuc sêkêŋ kêtu da naŋ, sêkêŋ gedeŋ Anôtô atom, sêkêŋ gêdêŋ ŋalau sec. Aê gadec gebe ambiŋ taôm tôŋ tamiŋ ŋalau sec.

²¹Amac atôm gebe anôm gêŋ êsêp Apômtaunê laclu to êsêp ŋalau sec nêŋ laclu êpi tageŋ atom. Amac atôm gebe awê kaiŋ Apômtaunê moasiŋ to ŋalau sec nêŋ êpi tageŋ atom amboac tonaŋ.

²²Aêac takêli Apômtau e têtac ŋandaŋ êsa me. Aêacnêŋ ŋaclai kêlêlêc ênê su me.

²³“Gêŋ samob kêtôm gebe daŋgôm,” mago gêŋ tau samob oc êmoasiŋ aêac atom. “Gêŋ samob kêtôm gebe daŋgôm,” mago gêŋ tau samob oc êmboa gôlôac sa atom.

²⁴Ŋac teŋ taê ênam gebe nê gêŋ êmoasiŋ eŋ taugeŋ nec atom, taê ênam gebe ensom gêŋ êmoasiŋ lau nagêdôŋa êwiŋ acgom.

²⁵Aniŋ gwada, taŋ sêkêŋ gêdêŋ lau sêjam ôli aŋga têtulu gêŋ ŋamala naŋ samob. Apuc gwada teŋ ŋam êtu nêm ŋalêlôm ulu-uluŋa atom,

²⁶gebe teto gêc gebe “Nom to ŋagêŋ samob kêtu Apômtaunê gêŋgêŋ.”

²⁷Ŋac samuc teŋ embe êkalem amac gebe aniŋ gêŋ awiŋ eŋ ma embe ana, naŋ aniŋ gêŋ samob, taŋ sêkêŋ êndêŋ amac naŋ ŋaucŋageŋ, apuc ŋam êtu nêm ŋalêlôm ulu-uluŋa atom.