1 Kings 3:19-25

¹⁹—Ma waguvara tagogi wavine natuna i matave-jijini da i ʼraḡe.

²⁰Ma waguvarai au pouna i vomairi, ma natu au ririvau i matamatave i vaia. Tauna natuna irairaḡena au ririvau i vimataveni ma tau natu lawalawaina i vaia da au ririvana.

²¹Ubaubanai a vomairi da natu ata viḡuḡui, lamna a baei da natu i ʼrairaḡena. Ma mara i tom kaua ma ata inana-kauei lamna eḡa tau natu.”

²²Wate wavinena ḡelauna i riwa, “Eḡa! Tau natu lawalawaina; tam natum irairaḡena.” Ma wavine au naona i vinatuna i riwa bagibagi i pa, “Tevera irairaḡena lamna tam natum ma lawalawaina lamna tau natu! Ma nanare airuaḡa i viḡeḡae.”

²³Anina ma gulau Solomon i riwa, “Wei tauna e ririwa, ‘Tau natu lawalawaina ma tam natum irairaḡena.’ Ma noi tauna e ririwa, ‘Eḡa! Tam natum irairaḡena ma tau lawalawaina.”

²⁴Ma gulau i riwa, “Sod ona neiai.” Ma i neiai gulau awarina.

²⁵Ma i eḡara, “Tevera lawalawaina au pouna ona viailaraḡi da navanava tagogi wavine tagogi ma navanava ḡelauna wavine ḡelauna.”