1. King 3:19-25

¹⁹Iwe, nöün neminei ät a mäla lepwin, pun a chouni.

²⁰Mürin, neminei a pwätä lukenipwin, a angei nei nan ät mi kon ünüki lupwen ai annut, o akona fän mwärin, nge nöün ei ät mi mäla a akona fän mwäri.

²¹Iwe, lupwen üa pwätä lesosor pwe üpwe oupu nei we, üa küna pwe ewe semirit a mäla. Nge lupwen üa nenengenöchü, üa silleni pwe esap wesewesen nei we.”

²²Nge pwal ewe eman fefin a üra, “Apwi, ei semirit mi manau nei, nge na mi mäla noum.” Mürin, ewe aemanün fefin a üra, “Apwi, ei semirit mi mäla noum, nge na mi manau nei.” Iei usun ra aninifengen me fän mesen ewe king.

²³Mürin, ewe king a apasa, “En ka apasa pwe ena semirit mi mäla sap noum, nge enan mi manau noum. Nge neminan a apasa pwe enan semirit mi manau nöün, nge ena mi mäla noum.”

²⁴Iwe, ewe king a üra pwe repwe uwato ren efoch ketilas. Nge lupwen ra uwato ren ewe ketilas,

²⁵ewe king a üra, “Oupwe tilenifeseni ewe semirit mi manau o ngeni ewe eman fefin epek, nge pwal ewe eman fefin epek.”