1 Ḡaliḡalibona 3:19-25

¹⁹“Bi dudubalemo niga waivinina natuna i kenavunu.

²⁰Taunana aubaina e kenakena kauleya ba i kena moito bi natuna pekipekina i bewa te bwagagumo i waikena bi tagu natugu yawayawasanina i bewa te tana bwaganemo i waikena.

²¹Bi olaolalemo dobu i yana kamakaḡe bi e kena moito te maso gomana ei susu bi e kita te gomana i peki bi e kitakita kaukauwe ba tagu mote natugu.”

²²Bi waivini ḡesau i giuna gado, “Geḡa! Gomana yawayawasanina ba tagu natugu bi gomana pekipekina ba tam natum.” Bi waivini dolidolina i giubagibagina gado, “Geḡa! Gomana yawayawasanina ba tagu natugu bi gomana pekipekina ba tam natum.” Bi ḡome ḡalibona matanemo ai kagiu.

²³Kamaina bi ḡalibona i giuwedina gado, “Walitau kwa giugiu te tam natum yawayawasanina bi emtau natuna pekipekina bi kota ḡesaum kwa giugiu te tam natum yawayawasanina bi emtau natuna pekipekina.”

²⁴Ḡome te ḡalibona i giuna gado, “Kepata ko vai natome.” Kamaina bi kepata a natome.

²⁵Bi i giuwedina gado, “Gomana yawayawasanina ko koisena labu te nevana enatau ko vite bi nevana enatau ko vite.”