عِسِرَيِلَ مَنفّيٍ ١ 3:19-25

¹⁹كْي ندٍ كُي، يِ فِنّ نَشَ عَ سَ عَ شَ دِ قَرِ، عَ شَ دِ نَشَ قَشَ.

²⁰عَ تٌ نَ تٌ، عَ نَشَ ﭑ مَ دِ تٌنفٌ ﭑ سّيتِ مَ، عَ قَ عَ شَ دِ قَشَشِ سَ ﭑ تَن قّ مَ. ﭑ نُ شِقٍ، ﭑ مُ نُ نَ سٍسٍ كٌلٌن.

²¹فّيسّفّ ﭑ تٌ كٍلِ ﭑ شَ شِحّ قِ ﭑ مَ دِ مَ، ﭑ نَشَ عَ تٌ نَ دِ بَرَ قَشَ. كْنْ ﭑ تٌ عَ عِفبّ قَ عَ قَنيِ رَ، ﭑ نَشَ عَ تٌ ﭑ مَ دِ مُ عَ رَ، ﭑ نَشَن بَرِشِ.»

²²بٌورٍ فِنّ نَشَ وْيّنيِ تٌنفٌ، عَ عَ قَلَ، «عَ مُ نَ نَ كِ شّ. ﭑ مَ دِ نَن بَلٌشِ، عِ تَن نَن شَ دِ قَشَشِ.» فِنّ سِنفٍ نَشَ بٌورٍ مَتَندِ عَ قَلَقٍ رَ، «عِ وُلٍ! ﭑ مَ دِ شَ مُ قَشَشِ، ﭑ فبٍ نَن بَلٌشِ.» عٍ نُ وْيّنمَ نَ كِ نّ مَنفّ يَ شْرِ.

²³نَ كُي مَنفّ نَشَ يِ مَسٍنيِ تِ عٍ بّ، «ندٍ نَشّ، ‹ﭑ مَ دِ نَن بَلٌشِ، عِ فبٍ نَن قَشَشِ.› بٌورٍ نَشّ، ‹عِ وُلٍ. ﭑ فبٍ نَن بَلٌشِ، عِ فبٍ نَن قَشَشِ.›»

²⁴نَ وْيّنيِ دَنفِ شَنبِ، مَنفّ نَشَ مِشِيٍ يَمَرِ، «وٌ قَ سَنتِدّفّمَ رَ ﭑ بّ بَ.» عٍ تٌ قَ نَ سَنتِدّفّمَ رَ عَ شْن مَ،

²⁵عَ نَشَ عَ قَلَ عٍ بّ، «وٌ يِ دِيْرّ بَلٌشِ عِبٌلٌن عَ تَفِ، وٌ سّيتِ ندٍ سٌ يِ فِنّ يِ رَ، وٌ بٌورٍ سّيتِ سٌ نَ بٌورٍ فِنّ يِ رَ.»