ማርቆሴ 7:5-35

⁵ዬያሮ ፔርሴ ዓሶና ሙሴ ዔርዜ ዎጎ ዔርዛ ዓሶና፦ «ኔኤኮ ጊንፆ ሓንታዞንሢ ዓይጎሮ ጪማ ኬሴ'' ዎጎኮ ዑሣ ዓኣዻይ? ዓይጎሮ ዔያታ ኩጮ ማስቱዋዖ ሙዓይ?» ሂዚ ጌዒ ዬሱሴ ዖኦጬኔ።

⁶ዒዚ ዔያቶም ማሓዖ፦ «ዒንሢ ዓሲ ዓኣፒም ሄርሺንቲሮ ማዻ ዓሳ! ዒሲያሴ ጎዖ ፆኦሲ ማሊፆ ኬኤዛሢ ዒንሢ ዛሎ'' ኬኤዛዖ፦ ‹ሓይ ዴራ'' ዻንጎና ታና ቦንቻኔ ዒና'' ዔያቶኮ ታጊዳፓ ሚርጌ ሓኬያኬ፤

⁷ዔያታ ዓሲ ዎጌ ዔርዚ ዔርዚ ታና ጉሪ ሉኡዙሞና ካኣሽካያ ማላኔ› ጌዒ ኬኤዜሢ ጎኔኬ።

⁸«ዬያሮ ዒንሢ ፆኦሲ ዓይሢፆ ሓሺ'' ዓሲ ዎጌ ካፓኔ።»

⁹ላሚ ዬሱሴ ዔያቶም ሂዚ ጌዔኔ፦ «ዒንሢኮ ዎጎ ዒንሢ ካፓኒ ጌዒ ፆኦሲ ዓይሢፆ ዒንሢ ሚርጌና ቦሂ ሓሻ''ኔ፤

¹⁰ሙሴ ‹ዓዶና ዒንዶና ቦንቼ፤ ዓዶና ዒንዶና ጫሽኬሢ ዎዎዺንቶንጎ› ጋዓኔ።

¹¹ጋዓንቴ ፔቴ'' ዓሲ ዓዶና ዒንዶና ማኣዶንዶሢ ሃሺ'' ዒንሢም፦ ‹ዓዶና ዒንዶናም ማዾንዶ ባኮ ዛሎ'' ቢያ ፆኦሲም ታ ዒንጎ ባኣዚ'' ዒንጌኔ› ጋዓዛ፥

¹²ዬይ ዓሢ ዓዶና ዒንዶና ማኣዱዋጉዲ ዒንሢ ዓይሣኔ፤

¹³ሂዲፆና ዒንሢ ዒንሢኮ ዔርዚፆ ካፓኒ ጌዒ ፆኦሲኮ ቃኣሎ'' ሓሻ''ኔ፤ ሓሣ ዬያጉዴ ባኣዚ'' ሚርጌ ዒንሢ ማዻኔ።»

¹⁴ዬሱሴ ዴሮ'' ፔ ባንሢ ላሚ ዔኤሊ'' ሂዚ ጌዔኔ፦ «ቢያሢ ዒንሢ ኮሺ'' ዋይዙዋቴ፤

¹⁵ዓሲ ኪንሢና ዓኣያ ማሃ ባኣዚ'' ዓሲዳፓ ኬስካ ባኣዚ'' ማዓንዳኣፓዓቴም ዙልካፓ ጌላ ባኣዚ'' ዓሲ ኪንሢና ዓኣያ ማሁዋሴ።»

¹⁷ዬካፓ ዬሱሴ ዴሮ'' ሃሺ'' ኬኤፆ ጌላዛ ዒዛኮ ጊንፆ ሓንታ ናኣታ'' ዬኖ ጌይፄሎኮ ቡሊ''ፆ ኬኤዛንዳጉዲ ዖኦጬኔ።

¹⁸ዒዚያ ዔያቶም ሂዚ ጌዒ ማሄኔ፦ «ዒንሢያ ሃሣ ዬያ ዔሩዋዓዳ? ዙልካፓ ዓሲኮ ዻንጋና ጎጲ ጌላ ባኣዚ'' ዓሲ ኪንሢና ዓኣያ ማሁዋኣሢ ዒንሢም ዔርቱዓዳ?

¹⁹ዓይጎሮ ጌዔቶ ዻንጎና ጎጶ ጌሌዜላ ዙሎ'' ጊንሣ ኬስካኣፓዓቴም ዒና ባንሢ ጌሉዋሴ።» ዬያሮ ዬሱሴ ሙኡዚ'' ቢያ ሙዒንታኒ ዳንዳዓያ ማዔሢ ኬኤዜኔ።

²⁰ዬሱሴ ላሚ ሂዚ ጌዔኔ፦ «ዓሲ ኪንሢና ዓኣያ ማሃ ባኣዚ'' ዓሲዳፓ ኬስካ ባኣዚ''ኬ፤

²¹ዓሲኮ ጋርሲ ዒናፓ ኬስካ ፑርታ ባኣዚ''፦ ኮይሱዋ ጎይሢና ዞኦስካ ኮኦሚሢ፥ ዉሱሞ፥ ዓሲ ዎዺሢ፥

²²ዓኒ ሃሣ ማቾ ማዒባኣያና ላሂሢ፥ ታዻቆ ጌዒሢ፥ ፑርቱሞ፥ ጌሺሢ፥ ፔ ሼኔና ሓንቲሢ፥ ቂኢሩሞ፥ ፑሽኪሢ፥ ዖቶርሞ፥ ማሊሢ ባይሱሞኬ።

²³ዓካሪ፡ ዬይ ፑርቶ ባካ ጉቤ ዓሲ ዒኔፓ ኬስኪ ዓሲ ጎማሳኔ።»

²⁴ዬካፓ ዬሱሴ ዔቂ ፂሮሴ ካታሞ ኮይሎይዳ ዓኣ ጉርዳ ዴንዲ ፔቴ'' ዓሲ ማኣሪ ጌላዖ ዒኢካ ዒ ዓኣሢ ዖኦኒያ ዔሩዋጉዲ ኮዔኔ፤ ጋዓንቴ ዒ ዓኣሺንታኒ ዳንዳዒባኣሴ።

²⁵ናይስኬና ዒዞኮ ፑርታ ዓያናና ዓርቂንቴ ላኣሊስኬና ዬሱሴ ዒኢካ ዓኣሢ ዋይዚ ዑኬና ሙካዖ ቶካ'' ዒዛኮ ሎኦሜኔ።

²⁶ላኣሌላ ሶኦሪያ ዓጪዳ ፖኖቄ ጌይንታ ቤስካ ሾይንቴ ጊሪኬ ዜርፃፓ ማዔያኬ፤ ዒዛ ዒዞኮ ናዔሎይዳፓ ፑርቶ ዓያኖ ዬሱሴ ኬሳ''ንዳጉዲ ሺኢቄኔ።

²⁷ዬሱሴ ጋዓንቴ፦ «ናኣቶ ሙዖ ዔኪ ካናቶም ዒንጊሢ ኮይሱዋሴ፤ ሂንዳ ቤርታዺ ናኣታ'' ሙዒ ሚሽኮንጎ» ዒዞም ጌዔኔ።

²⁸ዒዛ፦ «ጎኔኬ ጎዳሢዮ፤ ያዺ ማዔቶዋ ካናታ ጎንጎ ዴማ'' ናኣቶይዳፓ ዲኢኔሢ ሙሙዓያቱዓዳ» ጌዒ ዒዛም ማሄኔ።

²⁹ዬያሮ ዬሱሴ፦ «ዬያ ኔ ጌይፆና ፑርቶ ዓያና'' ኔኤኮ ናዔሎይዳፓ ኬስኬኔ፤ ማኣሪ ማዒ ዓኣዼ» ዒዞም ጌዔኔ።

³⁰ዒዛ ማኣሪ ማዒ ሙካንቴ ፑርቶ ዓያና'' ናዔሎይዳፓ ኬስኬሢሮ ናዔላ ኮሺ ሻኣሎ''ይዳ ላሂ ዓኣንቴ ዛጌኔ።

³¹ዬሱሴ ፂሮሴ ዓጫ''ፓ ኬስካዖ ሲዶና ጌይንታ ዓጮ''ና ታጶ ካታሞ ጌይንታ ዓጮ''ይዴና ጌዒ ጌሊላ ባዞ'' ሙኬኔ።

³²ዒማ''ና ዒኢካ ዒዛ ባንሢ ዋይዚና ዻንጋና ባይቄ ዓሲ ዓሳ ዔኪ ሙካዖ ዬሱሴ ዒዛ ዑፃ ኩጮ ጌሣንዳጉዲ ሺኢቄኔ።

³³ዬሱሴ ዓሶ ባኣካ''ፓ ዓሢ ዱማሲ ኬሳ''ዖ ዓሢኮ ዋዮይዳ ኬኤሎ'' ዳኬኔ፤ ሓሣ ጩቺያ ጩቲ'' ዒዛኮ ዒንዲርዞ ካኣሜኔ።

³⁴ዬማፓ ዬሱሴ ሌካ ጫሪንጮ ባንሢ ዛጊ፥ ሚጪንቲ «ዪይያ!» ጋዓዖ፦ «ዔፓታ» ጌዔኔ። ዬኖ ጌይፃ «ቡሊ''ንቴ» ጌይሢኬ።

³⁵ዬማ ጋዓኣና ዓሢኮ ዋዮና ዒንዲርዞና ቡሊ''ንቴም ሜታባኣያ ጌኤሺ'' ጌስቲሢ ዓርቄኔ።