Mark 7:5-35

⁵Farisawa ni bi nha mba mye Yesu “Ahi ngyesa imrli ko me mba na Ziren ni nkon u bi nikon amma di ni rli birli ni worji?”

⁶Ama a ua ni bawu, “Ishaya tre tsar ni tu mbi bi gyru ndi. Ba nha din, Ndi biyi ba hume ni vre nyu amma isuron he gbagbanwu ni me.

⁷Ba wu me u ce, nda ni tsuro ikpi bi u ndi wa ahi u mba.

⁸Bi ka doka rji don di nji u di mu gbangban me.

⁹A la wa bawu, A bi yiwu wa bi ka doka Rji don ndu yi nji ala'ada u mbi.

¹⁰Musa a tre, 'Wo tre tieme ni yime', u iwa a tre meme ni tiema ko yima, gbigbi ani qu'. “Amma bi hla, 'Indiwa a hla ni tiema ko yima

¹¹Izo ko birime wa una kpa ni me a hi Corban “(wa wu tre, nno ni Rji)

¹²Una la ny'me ni wu ndu tie kpie ni tiema ko iyi ma na.

¹³Bi kpa tre Rji ni tie meme ni al'ada mbi wa bi ndi nji wu ngbangban me. Ni gbugbu kpie wa bi muba wa bi tie'a.

¹⁴A yo kpentren ndi ba ngarli nda tre wo me wawu mbi wu ndi to.

¹⁵Ikpie ri u kora na he na wa ani ba ndi tie meme”. A hi kpie wa a rju rji ni mi ndi, ikiyi ni kpa ndi tie meme”

¹⁶Indi wa a he ntlon wo'a ka wo.

¹⁷To, Yesu a ka kpentre ndi ba don nda ri mikoh, mrli ko ma ba mye itre misali.

¹⁸Yesu tre bi yi me itu mbi rli he bwu? Bi na to ndi ko ngyeri wa a ri ni ndi rji kora an a kpau tie meme,

¹⁹don ana he nkon u ri ni suron ma na, amma ani hi mi nne ma nda rju hlega hi tra u hi mha?” Nitreyi Yesu a d'bu birli ba bi wawu.

²⁰A tre, “Ahi kpie wa rju rji ni mi ndi mba ni kpau tie meme.

²¹Don rji ni mi ndi, rju ni mi suron ba' meme mre: gru tangban ni ndi, iy'bi, wundi,

²²ikan, ingu, meme dri, gyru ndi, bison biye, bi shishi meme, bi kpa ndi tie meme, nzutu, bi mrlian ndi.

²³Biyi wawu mba wu ba meme wa ba rji ni mi, bi ki ba kpa ndi tie meme

²⁴A wlunde ni ki nda hi kpama ni iklan u Taya ni sidon. Niki a ri koh nda na son ndu ba to wrji wa a he'a na, amma ana ya' nda ri kpama ni ndi na.

²⁵Amma ni wo a he, iwa ri wa kpura vren wa ma a he ni brji a ye nda nda ka ku joku niwu za.

²⁶To, iwa ana ndi u Helleni, u l'me Surofinishan. A bre wu to ju brjia rju ni vrenwa ma.

²⁷A wa wu, ndu ba guci nno mrli rli. Ana he tu nkon na, ndu ba ban birli u mrli tayo yawhu na.”

²⁸Amma iwa kasa wu nda hla” Njanji, Baci, e yawhu wa ba kru za tebru'a barli bu mbru (rjurju) u mrli ba.

²⁹A hla ni wa, ni tu kpie wa u tre, u ka hi. Ibrji a rju ni kpa vrenwa me ye'.

³⁰A k'ma hi koh ma nda ka to vrenwa kru ni tu kru u ibrji rliga rju ni kpa vrenwa ye”

³¹A la rju ni nklan u Taya, nda hi ni sidon ni teka halili rji hi ni inklan u Dikafolis.

³²Ba nji ndi ri ye wu wa ana mangbi nda ta to tre na, nda bre wu sawo wu.

³³A nji'u hi kosan ni bubu wa ndi bana he na, a sur mri wo ni mi ton ma nda ti ntan ka kpre l'me ma.

³⁴A nzu ya shulu, nda cu vrli, nda wa wu, “Iffatha” wa ahi “Bwu!”

³⁵Hari itton ba, baka bwu, u l'me ma wa ana llo ngbangban, ka si nda tsi ni tre didi me.