மார்க​: 7:18-34

¹⁸தஸ்மாத் ஸ தாந் ஜகா³த³ யூயமபி கிமேதாத்³ருʼக³போ³தா⁴​:? கிமபி த்³ரவ்யம்ʼ பா³ஹ்யாத³ந்தரம்ʼ ப்ரவிஸ்²ய நரமமேத்⁴யம்ʼ கர்த்தாம்ʼ ந ஸ²க்நோதி கதா²மிமாம்ʼ கிம்ʼ ந பு³த்⁴யத்⁴வே?

¹⁹தத் தத³ந்தர்ந ப்ரவிஸ²தி கிந்து குக்ஷிமத்⁴யம்ʼ ப்ரவிஸ²தி ஸே²ஷே ஸர்வ்வபு⁴க்தவஸ்துக்³ராஹிணி ப³ஹிர்தே³ஸே² நிர்யாதி|

²⁰அபரமப்யவாதீ³த்³ யந்நராந்நிரேதி ததே³வ நரமமேத்⁴யம்ʼ கரோதி|

²¹யதோ(அ)ந்தராத்³ அர்தா²ந் மாநவாநாம்ʼ மநோப்⁴ய​: குசிந்தா பரஸ்த்ரீவேஸ்²யாக³மநம்ʼ

²²நரவத⁴ஸ்²சௌர்ய்யம்ʼ லோபோ⁴ து³ஷ்டதா ப்ரவஞ்சநா காமுகதா குத்³ருʼஷ்டிரீஸ்²வரநிந்தா³ க³ர்வ்வஸ்தம இத்யாதீ³நி நிர்க³ச்ச²ந்தி|

²³ஏதாநி ஸர்வ்வாணி து³ரிதாந்யந்தராதே³த்ய நரமமேத்⁴யம்ʼ குர்வ்வந்தி|

²⁴அத² ஸ உத்தா²ய தத்ஸ்தா²நாத் ஸோரஸீதோ³ந்புரப்ரதே³ஸ²ம்ʼ ஜகா³ம தத்ர கிமபி நிவேஸ²நம்ʼ ப்ரவிஸ்²ய ஸர்வ்வைரஜ்ஞாத​: ஸ்தா²தும்ʼ மதிஞ்சக்ரே கிந்து கு³ப்த​: ஸ்தா²தும்ʼ ந ஸ²ஸா²க|

²⁵யத​: ஸுரபை²நிகீதே³ஸீ²யயூநாநீவம்ʼஸோ²த்³ப⁴வஸ்த்ரியா​: கந்யா பூ⁴தக்³ரஸ்தாஸீத்| ஸா ஸ்த்ரீ தத்³வார்த்தாம்ʼ ப்ராப்ய தத்ஸமீபமாக³த்ய தச்சரணயோ​: பதித்வா

²⁶ஸ்வகந்யாதோ பூ⁴தம்ʼ நிராகர்த்தாம்ʼ தஸ்மிந் விநயம்ʼ க்ருʼதவதீ|

²⁷கிந்து யீஸு²ஸ்தாமவத³த் ப்ரத²மம்ʼ பா³லகாஸ்த்ருʼப்யந்து யதோ பா³லகாநாம்ʼ கா²த்³யம்ʼ க்³ருʼஹீத்வா குக்குரேப்⁴யோ நிக்ஷேபோ(அ)நுசித​:|

²⁸ததா³ ஸா ஸ்த்ரீ தமவாதீ³த் போ⁴​: ப்ரபோ⁴ தத் ஸத்யம்ʼ ததா²பி மஞ்சாத⁴​:ஸ்தா²​: குக்குரா பா³லாநாம்ʼ கரபதிதாநி கா²த்³யக²ண்டா³நி கா²த³ந்தி|

²⁹தத​: ஸோ(அ)கத²யத்³ ஏதத்கதா²ஹேதோ​: ஸகுஸ²லா யாஹி தவ கந்யாம்ʼ த்யக்த்வா பூ⁴தோ க³த​:|

³⁰அத² ஸா ஸ்த்ரீ க்³ருʼஹம்ʼ க³த்வா கந்யாம்ʼ பூ⁴தத்யக்தாம்ʼ ஸ²ய்யாஸ்தி²தாம்ʼ த³த³ர்ஸ²|

³¹புநஸ்²ச ஸ ஸோரஸீதோ³ந்புரப்ரதே³ஸா²த் ப்ரஸ்தா²ய தி³காபலிதே³ஸ²ஸ்ய ப்ராந்தரபா⁴கே³ந கா³லீல்ஜலதே⁴​: ஸமீபம்ʼ க³தவாந்|

³²ததா³ லோகைரேகம்ʼ ப³தி⁴ரம்ʼ கத்³வத³ஞ்ச நரம்ʼ தந்நிகடமாநீய தஸ்ய கா³த்ரே ஹஸ்தமர்பயிதும்ʼ விநய​: க்ருʼத​:|

³³ததோ யீஸு² ர்லோகாரண்யாத் தம்ʼ நிர்ஜநமாநீய தஸ்ய கர்ணயோங்கு³லீ ர்த³தௌ³ நிஷ்டீ²வம்ʼ த³த்த்வா ச தஜ்ஜிஹ்வாம்ʼ பஸ்பர்ஸ²|

³⁴அநந்தரம்ʼ ஸ்வர்க³ம்ʼ நிரீக்ஷ்ய தீ³ர்க⁴ம்ʼ நிஸ்²வஸ்ய தமவத³த் இதப²த​: அர்தா²ந் முக்தோ பூ⁴யாத்|