20जिक्तीके आ पा ङा जिक्तीके, मिक्च आ पा ङा मिक्च, ख्रुइ आ पा ङा ख्रुइ, सुमी सु कली मार पाइबा, मेको यो मो पाइक्चा पुंइसीब। मेको कली यो मो पाइक्चा माल्ब। प्रस्थान २१:२३-२५
21सुइमी बी ब्यफ, क्यारश भेडा आन कली तुप्शा साइक्तु हना, मेको आ पा ङा अर्को गेचा माल्ब। तन्न मुर साइक्ब कली चहिं, साइक्चान माल्ब।
22आंम रागी ङा मुर नु अर्को रागी ङा मुर आन पर्बम खाल का ङा ऐन कानुन दुम्चा माल्ब। मारदे हना गो परमप्रभु यावे, इन परमप्रभु नङ’ दे शेंचा माल्नेवे” देंत। लेवी १९:३४; प्रस्थान १२:४९
23मिनु मोसामी इस्राएली आन कली मेको लोव़ शेंदीमी नोले मेकोपुकीमी मेको सराप पाइब कली मुर आन बाक्तीक रे ग्रुंइशा, फुल्लु आप्शा साइक्तेक्म। मिनु परमप्रभु यावेमी मोसा कली अरेशो खोदेंशो पा इस्राएली नेल्लेमी पाम्तेक्म।