Levítico 24:20-23

²⁰Ar doa-dule, dule-baid-ibe gar-bichisale, we-dule-ibe gar bisgelemogoed. Ar doa-dule, dule-baid-ibe ibya-naibisasale, we-dule-ibe ibya naibisalemogoed. Ar doa-dule, dule-ibe nugar-bichisale, we-dule-ibe nugar bisgelemogoed. Ar doa-dule, igi-dule-baid-naibisaoe, we-dule deyob naibisalemogoed.

²¹Ar doa-dule, dule-baid-ibe ibdurgan-oburgwisale, we-dule-ibe ibdurgan-oburgwisad-anar ibdurgan-baid ega ukoed. Ar doa-dule, dule-baid-oburgwisardi, we-dule deyob oburgwilemogoed.

²²Israel-dulega, degi, Israel-dulesulidga unnila igar-soggwenna maigu guoed. Ani an bemar-Bab-Dummad-Jehová gued.”

²³Moisés Israel-dulemarga bela we-ibmar sogsa gusad. Geb Israel-dulemar, dule-galagwensuli-Bab-Jehováʼgi-sunmaksad danar-danar-bukwamalad-magaba onosmalad. Geb agi, akwagi-makar oburgwismalad. Ar igi Bab-Jehová, Moisésʼga sogsa gusa, deyobi, Israel-dulemar ibmar imaksamalad.