4गो आल रे यरूसलेममी बाक्शा, यहूदी नेल्लेमी आं कली तुइश्शो बाक्नीमी।
5मेकोपुकी गो शुश धर्म पाइब फरिसी का बाक्ती, दे ङोंइती रे तुइक्नीमी। मेकोपुकीमी गो फरिसी का बाक्ती, दे सांकछी दुम्ने चाप्नीम। प्रेरित २३:६; फिलिप्पी ३:५
6परमप्रभु यावेमी आंइ किकी पिपी आन कली लोव़ गेशो बाक्माक्त। मिनु मेको लोव़ आ पर्बम दोस ताइब दुम्ती। प्रेरित २८:२०
7मिनु मेको लोव़ नेल्ल खाप्ब, दे आंइ १२ थर ङा यहूदी नेल्लेमी थमा सुइश्शा, परमप्रभु यावे कली नाक्दो नाक्त ठेयब सेल्शा बाक्नीकी। मेको आन थमा सुइश्शो खोदेंशो पा गो यो थमा सुइक्ब का नङ। मेको थमा सुइश्शो आ पर्बम आं कली दोस गेतीमी, अग्रीप्पा सरकार। प्रेरित २४:१५
8परमप्रभु यावेमी बेक्शा लशो आन कली सेंपाइश्शा गेना हना यो ब्रोंइशा बाक्चा गेब देंशो लोव़ थमा सुइक्तीक लोव़ ममाइ ङा? हजुरपुकी, एको लोव़ मारदे थमा सुइक्ने मचाप्नीनी? प्रेरित २३:८
9साइ गो दोपा यो मेको नासरथ ङा येसु आ नें क्याम्चा, दे मिम्शो नङ। प्रेरित ९:१-२९; प्रेरित २२:३-२१