Yɛbəc 26:4-9

⁴ASuyif fəp ŋaŋcərɛ ntɛ tɛnayɔnɛ teyi tem kəyɛfɛ dowut dem mɔ, dəkəcop ntɛ inayi afum em dacɔ Yerusalɛm mɔ.

⁵Ŋaŋcər’ em kəyɛfɛ ntɛ pənawon mɔ, ŋantam sɔ kəboŋc ti, bawo fɔr yaŋan yati ŋanatəŋnɛ mes kɔ mɔyɔ ma doru dem fəp, a cəFarisi c’ inayi, kəgba ka afum akɔ ŋananaŋkanɛ kəyeŋk mes dinɛ dosu mɔ.

⁶Mɔkɔ ayi kəkit’ im, bawo iŋgbɛkər amera temer ntɛ Kanu kənasɔŋ atem asu mɔ.

⁷Cusuŋka cosu ncɛ wəco kɔ mɛrəŋ cəŋsali tɛm fəp, daŋ kɔ pibi, ŋayɔ amera kəsɔtɔ ka kəlɛkɛ temer kaŋkɔ. Wəbɛ, teta kəgbɛkər amera kaŋkɔ kɔ aSuyif ŋamboŋc em mes.

⁸Teta ake tɔ nəntɔfaŋɛ kəlaŋ a Kanu kəntam kəyekti fum defi disrɛ-ɛ?

⁹Ina wəkawɛ yati, inacɛm-cɛmnɛ kəsiməs kɔ tewe ta Yesu wəNasarɛt səpɔ fəp.