Im̃auano Nalo 26:4-9

⁴“Kiaku tukunuano naio jikar jibe nei, kanio kiniou, jikar ea bogo napano nebe kiritete kia ga vo, nojo dam̃ariga kumemi liko kulo Ju nalo ga, nina ea kiaku vio, mia iorou kanio, ana yako Yerusalemo bunu. Naruei nalo amijikia batitig kiaku bajago nalo re nua ruei, a amijikia ka bogo napano nebe toro m̃eaku kia ga vo,

⁵mia nebijurukar taara na Varisis nalo, napano nalo naruei abokar m̃elea kiado tuboiano jovulu taara dolu nalo. Naruei ver nalo asaaro ka nalo bunu atumolu atukamu ea miramo, mia nalo amijikia averialio vanso, ka vite nalo nei napano nojom̃a neberenio nalo abe riano ga nonovio.

⁶“?Naruei bior vaio ana nalo tiniel jer kiniou bereio? Nina bior kiniou noju jikili dam̃ariga ea verikariano tai napano Atua mila bija korobido nalo nua ruei, napano naio berenio mia naio rila tomu nalo napano am̃arm̃aro mia nalo amemeul bereio.

⁷Verikariano nene, kiado yati nalo duelimo ba juo 12 bunu nalo ajum̃a abolkouo legiano a bogiano ka amijikia avokario. !Parinio tubo, jau keialio vo! Vite nei Atua berkario ban kulo Ju nalo ruei, ana vonganei kulo Ju nalo nei ajidom ail van kiniou bereio bior kiniou nomoneaio.

⁸?Kiniou maka nejikia, mia bior vaio naruei ana tomu nalo ajum̃a aber Atua naio maka rijikia rila toro napano m̃aro ruei rimeul bereio?

⁹“Be riano, beamu nua, kiniou bunu nejibe na, maka namonea vite nalo na. Kiniou tinieku jer toru nalo napano amonea Yesu re Nasarete, a nemial monoka nalavio sikili ka rila sio nei ribisi ga.