ܡܙܡܘܪ̈ܐ 90:2-17

²ܡ̣ܢ ܩܲܕܡ ܕܛܘܼܪܹ̈ܐ ܦܵܝܫܝܼ ܗܘܵܘ ܝܠܝܼܕܹܐ، ܘܬܲܪܨܸܬ ܗܘܵܐ ܐܲܪܥܵܐ ܘܒܪܝܼܬܵ‌ܐ، ܡ̣ܢ ܥܵܠܲܡ ܘܥܵܠܲܡ ܐܲܢ݇ܬ ܝܼܘܸܬ ܐܲܠܵܗܵܐ.

³ܟܹܐ ܡܲܕܸܪܸܬ ܠܹܗ ܐܢܵܫܵܐ ܠܥܲܦܪܵܐ، ܘܟܹܐ ܐܵܡܪܹܬ: ”ܕܘܼܪܘܼܢ، ܝܵܐ ܒܢܲܝ̈ܢܵܫܵܐ.“

⁴ܣܵܒܵܒ ܐܲܠܦܵܐ ܫܸܢܹ̈ܐ ܒܥܲܝ̈ܢܘܼܟ݂، ܐܲܝܟ݂ ܐܬܸܡܵܠܝ ܝܢܵܐ ܕܥܒ݂ܝܼܪܹܗ، ܘܐܲܝܟ݂ ܒܲܕܠܵܐ ܕܠܲܝܠܹܐ.

⁵ܓܪܝܼܦܵܝ ܠܘܼܟ݂، ܗܘܹܐ ܠܗܘܿܢ ܐܲܝܟ݂ ܫܸܢܬܵ‌ܐ، ܐܲܝܟ݂ ܓܸܠܵܐ ܕܡܲܩܝܸܢ ܒܨܲܦܪܵܐ،

⁶ܒܨܲܦܪܵܐ ܟܹܐ ܡܲܓ̰ܝܸܢ ܘܟܹܐ ܡܲܩܝܸܢ، ܒܪܲܡܫܵܐ ܟܹܐ ܟ̰ܵܡܹܟ̃ ܘܟܹܐ ܒܵܪܹܙ.

⁷ܣܵܒܵܒ ܬܝܼܡ ܠܲܢ ܒܟܲܪܒܘܼܟ݂، ܘܒܚܸܡܬܘܼܟ݂ ܦܝܼܫ ܠܲܢ ܫܓ݂ܝܼܫܹܐ.

⁸ܡܘܼܬܸܒ݂ ܠܘܼܟ݂ ܥܵܘܠܲܢ̈ ܠܒܲܠܩܘܼܒ݂ܠܘܼܟ݂، ܚܛܵܗܲܢ̈ ܛܸܫܝܹ̈ܐ ܩܲܕܡ ܒܲܗܪܵܐ ܕܦܵܬܘܼܟ݂.

⁹ܣܵܒܵܒ ܟܠܵܝܗ‌ܝ ܝܵܘܡܵܢܲܢ̈ ܥܒ݂ܝܼܪܗܘܿܢ ܒܚܸܡܬܘܼܟ݂، ܬܝܼܡܵܝ ܠܲܢ ܫܸܢܲܢ̈ ܐܲܝܟ݂ ܬܲܢܲܚܬܵ‌ܐ.

¹⁰ܝܵܘܡܵܢܹ̈ܐ ܕܚܲܝܲܢ̈ ܫܲܒ݂ܥܝܼ ܫܸܢܹ̈ܐ ܝܢܵܐ، ܘܐܸܢ ܒܓܲܒܵܪܘܼܬܵ‌ܐ، ܬܡܵܢܝܼ ܫܸܢܹ̈ܐ، ܒܪܲܒܘܼܬܵܝܗ‌ܝ ܥܲܡܠܵܐ ܘܕܲܪܕ، ܣܵܒܵܒ ܟܹܐ ܥܵܒ݂ܪܝܼ ܓ̰ܲܠܕܹܐ ܘܟܹܐ ܦܵܪܚܲܚ.

¹¹ܡܵܢܝܼ ܝܵܕܹܥ ܚܲܝܠܵܐ ܕܚܸܡܬܘܼܟ݂، ܣܵܒܵܒ ܗܲܪ ܐܲܝܟ݂ ܙܕܘܼܥܬܵ‌ܐ ܕܡܸܢܘܼܟ݂ ܝܼܠܵܗ̇ ܟܲܪܒܘܼܟ݂؟

¹²ܗܵܕܟ݂ܵܐ ܡܲܕܸܥ ܠܲܢ ܠܸܡܢܵܝܵܐ ܝܵܘܡܵܢܲܢ̈، ܕܡܵܛܲܚ ܠܠܸܒܵܐ ܕܚܸܟ݂ܡܬܵ‌ܐ.

¹³ܕܘܼܪ، ܝܵܐ ܡܵܪܝܵܐ! ܗܲܠܔ ܐܝܼܡܲܢ؟ ܘܪܲܚܸܡ ܥܲܠܔ ܪܹ̈ܓܵܘܵܬܘܼܟ݂.

¹⁴ܡܲܣܒܸܥ ܠܲܢ ܒܨܲܦܪܵܐ ܒܛܲܝܒܘܼܬܘܼܟ݂، ܕܫܲܒܚܲܚ ܘܚܵܕܲܚ ܒܟܠܵܝܗ‌ܝ ܝܵܘܡܵܢܲܢ̈.

¹⁵ܡܲܚܕܝܼ ܠܲܢ ܐܲܝܟ݂ ܝܵܘܡܵܢܹ̈ܐ ܕܩܵܡ ܡܲܠܝܸܨܸܬ ܠܲܢ، ܐܲܝܟ݂ ܫܸܢܹ̈ܐ ܕܚܙܹܐ ܠܲܢ ܒܝܼܫܬܵ‌ܐ.

¹⁶ܦܵܐܹܫ ܚܸܙܝܵܐ ܠܪܹ̈ܓܵܘܵܬܘܼܟ݂ ܦܘܼܠܚܵܢܘܼܟ݂، ܘܫܘܼܒ݂ܚܘܼܟ݂ ܠܒܢܘܿܢܵܝ̈ܗ‌ܝ.

¹⁷ܘܗܵܘܝܵܐ ܒܲܣܝܼܡܘܼܬܵ‌ܐ ܕܡܵܪܝܵܐ ܐܲܠܵܗܵܐ ܥܲܠܲܢ، ܘܥܒ݂ܵܕܵܐ ܕܐܝܼܕܵܬܲܢ̈ ܡܲܩܘܹܐ ܥܲܠܲܢ، ܘܥܒ݂ܵܕܵܐ ܕܐܝܼܕܵܬܲܢ̈ ܡܲܩܘܹܐ ܠܹܗ.