Zaburi 90:2-17

²Kabla milima haijaumbwa, wala haujaumba nchi na dunia, tangu milele na milele, wewe ni Mungu.

³Humrudisha mtu mavumbini, na kusema, “Rudi, ewe uzao wa mwanadmu.

⁴Kwa maana miaka elfu machoni pako ni kama jana ipitapo, na kama saa wakati wa usiku.

⁵Huwafagia kama vile kwa mafuliko nao hulala; na wakati wa asubuhi wako kama majani yameayo.

⁶Asubuhi yachipuka na kumea; jioni yakatika na kukauka.

⁷Hakika, tumeangamizwa kwa hasira yako, na gadhabu yako inatuogopesha sana.

⁸Umeudhihirisha uovu wetu mbele zako, na dhambi zetu zilizofichika katika nuru ya uwepo wako.

⁹Uhai wetu unatoweka chini ya gadhabu yako; Miaka yetu inapita haraka kama pumzi.

¹⁰Miaka yetu ni sabini, au themanini tukiwa na afya; lakini hata hivyo miaka yetu mizuri imetiwa alama ya taabu na huzuni. Ndiyo, inapita haraka, kisha tunatoweka.

¹¹Ni nani ajuaye kiwango cha hasira yako, na ghadhabu yako ambayo iko sawa na hofu yako?

¹²Hivyo utufundishe sisi kuyafikiria maisha yetu ili kwamba tuweze kuishi kwa hekima.

¹³Ugeuke, Ee Yahwe! Mpaka lini itakuwa hivi? Uwahurumie watumishi wako.

¹⁴Ututosheleze sisi wakati wa asubuhi kwa uaminifu wa agano lako ili kwamba tuweze kufurahi na kushangilia siku zote za maisha yetu.

¹⁵Utufurahishe kwa uwiano sawa na zile siku ulizo tutesa na kwa ile miaka tuliyopitia taabu.

¹⁶Watumishi wako na waione kazi yako, na watoto wetu wauone ukuu enzi yako.

¹⁷Na neema ya Bwana Mungu wetu iwe yetu; fanikisha kazi za mikono yetu; hakika, fanikisha kazi ya mikono yetu.