ܡܙܡܘܪ̈ܐ 81:2-16

²ܡܲܪܡܘܼܢ ܙܡܵܪܬܵ‌ܐ ܘܡܚܹܝܡܘܼܢ ܦܠܲܓܵܐ، ܟܸܢܵܪܵܐ ܒܲܣܝܼܡܬܵ‌ܐ ܥܲܡ ܩܝܼܬܵܪܵܐ.

³ܡܚܹܝܡܘܼܢ ܫܝܼܦܘܿܪܵܐ ܒܪܹܝܫ ܝܲܪܚܵܐ، ܒܡܸܠܝܘܼܬܵ‌ܐ ܕܣܲܗܪܵܐ، ܒܝܵܘܡܵܐ ܕܥܹܐܕܲܢ،

⁴ܣܵܒܵܒ ܩܵܢܘܿܢܵܐ ܝܠܹܗ ܠܐܝܼܣܪܵܐܹܝܠܔ، ܕܝܼܘܵܢ ܕܐܲܠܵܗܵܐ ܕܝܲܥܩܘܿܒ݂.

⁵ܩܵܡ ܡܲܬܸܒ݂ ܠܹܗ ܣܵܗܕܘܼܬܵ‌ܐ ܒܝܵܘܣܸܦ، ܟܲܕ ܦܠܝܼܛ ܠܹܗ ܥܲܠܔ ܐܲܪܥܵܐ ܕܡܸܨܪܹܝܢ. ܠܸܫܵܢܵܐ ܕܠܵܐ ܝܕܝܼܥ ܠܝܼ ܫܡܝܼܥ ܠܝܼ:

⁶ܡܘܼܩܠܸܒ ܠܝܼ ܪܘܼܦ̮ܫܹܗ ܡ̣ܢ ܟܵܪܬܵ‌ܐ، ܫܪܹܐ ܠܝܼ ܐܝܼܕܵܬܘܼ̈ܗ‌ܝ ܡ̣ܢ ܩܸܪܛܵܠܵܐ.

⁷ܓܵܘ ܐܘܼܠܨܵܢܵܐ ܩܪܹܐ ܠܘܼܟ݂ ܘܩܵܡ ܦܲܨܸܢܘܼܟ݂، ܩܵܡ ܓ̰ܲܘܸܒܸܢܘܼܟ݂ ܒܣܸܬܵܪܵܐ ܕܪܲܥܡܵܐ، ܩܵܡ ܒܵܚܪܹܢܘܼܟ݂ ܒܡ̈ܝܼܵܐ ܕܡܪܝܼܒ݂ܵܐ. ܣܹܠܵܗ

⁸ܫܡܹܥ، ܝܵܐ ܥܲܡܝܼ، ܘܣܵܗܕܹܢ ܥܲܠܘܼܟ݂، ܝܵܐ ܐܝܼܣܪܵܐܹܝܠܔ، ܛܘܼܒ݂ܵܐ ܕܫܵܡܥܹܬ ܐܸܠܝܼ.

⁹ܠܵܐ ܗܵܘܹܐ ܓܵܘܘܼܟ݂ ܐܲܠܵܗܵܐ ܩܵܪܝܼܒܵܝܵܐ، ܘܠܵܐ ܣܵܓ݂ܕܹܬ ܠܐܲܠܵܗܵܐ ܢܘܼܟ݂ܪܵܝܵܐ.

¹⁰ܐܵܢܵܐ ܝܘܸܢ ܡܵܪܝܵܐ ܐܲܠܵܗܘܼܟ݂، ܕܩܵܡ ܡܲܐܣܩܸܢܘܼܟ݂ ܡ̣ܢ ܐܲܪܥܵܐ ܕܡܸܨܪܹܝܢ، ܦܬܘܿܚ ܠܹܗ ܦܘܼܡܘܼܟ݂ ܘܒܸܬ ܡܵܠܹܢܹܗ.

¹¹ܐܝܼܢܵܐ ܥܲܡܝܼ ܠܵܐ ܩܵܡ ܫܵܡܹܥ ܠܹܗ ܩܵܠܝܼ، ܘܐܝܼܣܪܵܐܹܝܠܔ ܠܵܐ ܒܥܹܐ ܠܹܗ ܡܲܨܝܸܬ ܐܸܠܝܼ.

¹²ܒܘܼܬ ܐܵܗܵܐ، ܣܘܼܦܝܵܝ ܠܝܼ ܠܩܸܫܝܘܼܬܵ‌ܐ ܕܠܸܒܵܝܗ‌ܝ، ܕܚܵܕܪܝܼ ܒܚܘܼܫܵܒ݂ܵܝܗ‌ܝ.

¹³ܛܘܼܒ݂ܵܐ ܕܥܲܡܝܼ ܫܵܡܹܥ ܗܘܵܐ ܐܸܠܝܼ، ܐܝܼܣܪܵܐܹܝܠܔ ܒܐܘܼܪ̈ܚܵܬ‌ܝܼ ܚܵܕܹܪ ܗܘܵܐ.

¹⁴ܒܵܬܪ ܚܲܕܟ̰ܵܐ ܕܸܫ̃ܡܸܢܵܝ̈ܗ‌ܝ ܒܸܬ ܙܲܒܛܸܢܸܢ ܗܘܵܐ ܠܗܘܿܢ، ܘܥܲܠܔ ܡܲܠܝܸܨܵܢܵܝ̈ܗ‌ܝ ܒܸܬ ܡܲܕܸܪܸܢ ܗܘܵܐ ܐܝܼܕܝܼ.

¹⁵ܣܵܢܝܵܢܹ̈ܐ ܕܡܵܪܝܵܐ ܒܸܬ ܫܵܠܡܝܼ ܗܘܵܘ ܐܸܠܹܗ، ܘܒܸܬ ܗܵܘܹܐ ܗܘܵܐ ܚܸܠܩܵܝܗ‌ܝ ܠܥܵܠܲܡ.

¹⁶ܐܝܼܢܵܐ ܒܸܬ ܡܲܐܟ݂ܠܸܢ ܗܘܵܐ ܠܘܼܟ݂ ܡ̣ܢ ܫܲܡܝܼܢܘܼܬܵ‌ܐ ܕܚܸܛܹ̈ܐ، ܘܡ̣ܢ ܕܸܒ݂ܫܵܐ ܕܐܝܼܨܵܪܵܐ ܒܸܬ ܡܲܣܒܸܥܸܢ ܗܘܵܐ ܠܘܼܟ݂.