Tingtoeng 81:2-16

²Oldi te phoh uh lamtah kamrhing rhotoeng neh dingsuek thangpa tum uh.

³Hlasae, hlalum vaengkah mamih khotue hnin ah tuki te ueng uh lah.

⁴Hekah he Israel ham Jakob Pathen kah laitloeknah oltlueh coeng ni.

⁵Ka yak ming mueh ol, Egypt kho la a caeh vaengah Joseph ham a khueh olphong ni.

⁶A laengpang dongkah hnorhih te ka khoe pah tih a kut khaw voh khui lamkah loeih.

⁷Citcai khuiah nan khue tih nang kan pumcum sak. Khohum hlip lamkah nang kan doo tih Meribah tui ah nang kan loep kan dak. Selah

⁸Ka pilnam loh hnatun lamtah kai ol te na hnatun atah Israel nang taengah ka laipai ni.

⁹Na khuiah rhalawt pathen om boel saeh lamtah kholong pathen te bawk boeh.

¹⁰Kai tah Egypt kho lamkah nang aka doek na Pathen Yahweh ni. Na ka ang lamtah kang hah sak eh.

¹¹Tedae ka pilnam loh ka ol he ya pawt tih Israel loh kai taengah naep pawh.

¹²Te dongah amih te lungbuei thinthahnah taengla ka hlah tih amih kah cilkhih dongah pongpa uh.

¹³Ka pilnam loh kai taengah hnatang koinih ka longpuei te Israel loh a vai sui dae.

¹⁴A thunkha rhoek te a loe la ka kunyun sak vetih a rhal te ka kut neh ka thuung pah suidae.

¹⁵BOEIPA kah a lunguet rhoek loh anih taengah mai a tum uh vetih amih kah khohnin khaw kumhal duela puh suidae.

¹⁶Tedae cang tha te anih a cah suitih lungpang khui lamkah khoitui nang kang kum sak sue.