1رٌبٌوَ مِ شَ مَنفّيَ تٌ مَبَنبَن، عَ تَن نُن عِسِرَيِلَكَيٍ بِرِن نَشَ عَلَتَلَ شَ سّرِيّ رَبٌلٌ.
2نَ بَرَ عَ نِيَ مِسِرَ مَنفّ سِسَكِ شَ دَرِ سَلَمُ فٍرٍ رٌبٌوَ مِ شَ مَنفّيَ حّ سُولِ ندٍ رَ.
3سْورِ رَفِسٍ وُلُ كٍرٍن كّمّ قِرِن نُن سٌي رَفِ وُلُ تٌنفٌ سٍننِ نَن نُ نَ عَ يِ رَ. عَ نَشَ كٍلِ مِسِرَ بْشِ مَ عٍ نُن حَمَ فبٍفبٍ رَ، نَشٍيٍ قِندِشِ لِبِيَكَيٍ، سُكِكَيٍ، نُن عٍتِيٌثِكَيٍ رَ.
4عَ نَشَ نْ يُدَيَ تَا مَكَنتَشِيٍ رَ، عَ سٌ دَرِ سَلَمُ.
5نَ تّمُي، عَننَبِ سٍمَيَ نَشَ سِفَ رٌبٌوَ مِ يِرٍ. يُدَيَ يَرٍرَتِيٍ قَن نُ نَ نَا، بَرِ مَ عٍ قَ دَرِ سَلَمُ سِسَكِ شَ قٍ نَن نَ. عَ نَشَ عَ قَلَ عٍ بّ، «عَلَتَلَ شَ مَسٍنيِ نَن يَ؛ ‹وٌ بَرَ ﭑ نَبّحِن، ﭑ قَن وٌ رَبّحِنمَ سِسَكِ سَفٌي.›»
6عِسِرَيِلَ مَنفّ نُن يَرٍرَتِيٍ نَشَ عٍ مَفٌرٌ عَلَتَلَ بّ، عٍ قَ عَ قَلَ، «عَلَتَلَ تِنشِن.»
7عَلَتَلَ تٌ عَ تٌ عٍ بَرَ عٍ مَفٌرٌ عَ بّ، عَ نَشَ عَ مَسٍن سٍمَيَ بّ، «عٍ تٌ بَرَ عٍ يّتّ مَفٌرٌ ﭑ بّ، ﭑ مُ قَمَ عٍ هَلَكِدٍ. عَ فبٍ مُ لُشِ ﭑ شَ عٍ رَكِسِ. ﭑ مَ شْنّ مُ قَمَ لُدٍ دَرِ سَلَمُ مَ سِسَكِ سَابُي رَ.
8كْنْ عٍ شَ لُ سِسَكِ شَ نْي بُن مَ سِندٍن، هَن عٍ شَ عَ كٌلٌن، سِ فبّتّيٍ شَ مَنفّيَ رَبَتُقٍ نُن عَلَ شَ مَنفّيَ رَبَتُقٍ، نَشَن قَن.»
9مِسِرَ مَنفّ سِسَكِ نَشَ تٍ دَرِ سَلَمُ فٍرٍدٍ. عَ نَشَ نَاقُلِ بِرِن تٌنفٌ نَشَن نُ نَ عَلَتَلَ شَ بَنشِ نُن مَنفّ شَ بَنشِ كُي. عَ نَشَ وُرٍ لٍقَيٍ قَن تٌنفٌ، سُلٍمَنِ نُ بَرَ نَشٍيٍ مَسٌ شّيمَ رَ.
10مَنفّ رٌبٌوَ مِ نَشَ عٍ حْشْي يَءِلَن يْشُي رَ، عَ عٍ تَشُ سْورِ مَنفّيٍ رَ نَشٍيٍ مَنفّ شَ بَنشِ نَادّيٍ مَكَنتَمَ.
11مَنفّ نُ سِفَمَ عَلَ شَ بَنشِ كُي تّمُي نَشّ، سْورِيٍ نُ نَ وُرٍ لٍقَيٍ شَنِنمَ عَ مَتِ رَ. عٍ نَ فّ نَ رَ، عٍ مَن نُ قَ عٍ رَفبِلٍن سْورِ بَنشِ كُي.
12رٌبٌوَ مِ تٌ بَرَ عَ مَفٌرٌ عَلَتَلَ بّ، عَ مُ فبَلٌي سْتْ عَلَتَلَ شَ شْنّ سَابُي رَ. نَ وَشَتِ عَلَ يَرَفَاشُي قَنيِ ندٍ نُ نَ يُدَيَ.
13مَنفّ رٌبٌوَ مِ مَنفّيَ سْتْشِ تّمُي نَشّ، عَ نُ بَرَ حّ تٌنفٌ نَانِ نُن كٍرٍن سْتْ سِمَيَ رَ. عَ نَشَ عِسِرَيِلَ يَامَرِ حّ قُ نُن سٌلٌقٍرٍ دَرِ سَلَمُ كُي، عَلَتَلَ تَا نَشَن سُفَندِ عِسِرَيِلَ بْنسْي بِرِن يَ مَ، عَلَكٌ عَ شِلِ شَ مَتْشْ نَا. رٌبٌوَ مِ نفَ عَمٌنِكَ نَن نُ عَ رَ، عَ شِلِ نّ نَامَ.
14رٌبٌوَ مِ قٍ حَاشِ رَبَ نّ، بَرِ مَ عَ مُ عَلَتَلَ قٍن عَ بْحّ بِرِن نَ.
15رٌبٌوَ مِ شَ تَرُشُي، عَ قْلّ نُن عَ رَحْنيِ بِرِن سّبّشِ عَننَبِ سٍمَيَ شَ تَرُشُي كُي، عَ نُن عَننَبِ عِدٌ شَ لَامَتُنيِ مَسٍنيِ سّبّشِ كُي، عَلَكٌ مِشِ شَ عَ كٌلٌن.
16رٌبٌوَ مِ تٌ لَاشِرَ، عٍ نَشَ عَ رَفَتَ عَ بَبَيٍ سّيتِ مَ دَوُدَ شَ تَا كُي. عَ شَ دِ عَبِيَ نَشَ تِ عَ حْشْي رَ.
