يَبُرَ 65:1-10

¹دَوُدَ شَ بّيتِ بّيتِبَيٍ شَ مَنفّ بّ

²مَتْشْي نَ عِ تَن عَلَ بّ سِيٌنِ فٍيَ قَرِ. مُشُ لَايِدِ نَشَن تٌنفٌشِ عِ بّ، مُشُ نَ بِرِن نَكَمَلِمَ نّ.

³عَلَ، عِ مُشُ شَ مَشَندِ بِرِن مّمَ نّ. دُنِحَ بِرِن قَمَ نّ بِرَدٍ عِ قْشْ رَ.

⁴تَنتَنيِ تٌ نْ مُشُ رَ، عِ بَرَ مُشُ شَ يُنُبِ شَقَرِ.

⁵عِ نَشَن سُفَندِ مَ عَ شَ مَكْرّ عِ شَ سَلِدٍ رَ، نَ حّلّشِنمَ نّ بَرِ مَ عَ بُمَ نّ عِ شْنيِ. مُشُ بَرَ وَ سَ عِ شَ قٍ قَنيِ رَ، قٍ سّنِيّنشِ نَشَن كٍلِشِ عِ شَ هْرْ مْلِنفِرَ.

⁶عِ مُشُ شَ مَشَندِ يَابِمَ كَابَنَكٌ نُن تِنشِنيِ رَ. عَلَ، عِ بَرَ قِندِ مُشُ رَكِسِمَ رَ. دُنِحَ يِرٍ بِرِن شَشِلِ تِشِ عِ رَ.

⁷عِ بَرَ فٍيَ دَا عِ سّنبّ رَ بَرِ مَ سّنبّمَ نَن عِ رَ.

⁸عِ بَرَ بَا شُي رَدُندُ، مْرْنيِ شُي مُ نَ. عِ بَرَ حَمَ قَن مَسَبَرِ.

⁹دُنِحَ بِرِن فَاشُمَ نّ عِ شَ كَابَنَكٌي يَ رَ. كٍلِقٍ سٌفٍتٍدٍ هَن سٌفٍفٌرٌدٍ، عٍ بِرِن عٍ حّلّشِن شُي رَ مِنِمَ نّ عِ شَ قٍ رَ.

¹⁰عِ بْشِ مّينِ، عَ عَ رَقٍ قٍ قَنيِ رَ. عِ شُرٍ رَقٍمَ يٍ رَ عَلَكٌ مِشِيٍ شَ بَلٌي سْتْ.