يٌسُوٍ 11:6-22

⁶عَلَتَلَ نَشَ عَ مَسٍن يٌسُوٍ بّ، «هَلِ عِ مُ فَاشُ عٍ يَ رَ، بَرِ مَ تِنَ يِ تّمُي مَ، ﭑ تَن عٍ بِرِن سَمَ نّ عِ بّلّشّ، عِ عٍ قَشَ عِسِرَيِلَكَيٍ يَ شْرِ. عِ قَمَ نّ عٍ شَ سٌي سَن قَسّيٍ بٌلٌندٍ، عِ قَمَ نّ عٍ شَ سْورِ رَفِسٍيٍ فَندٍ.»

⁷يٌسُوٍ نُن عَ شَ فٍرٍ سٌييٍ نَشَ سِن عٍ مَ مٍرٌ مِ شُرٍ قّ مَ.

⁸عَلَتَلَ نَشَ عٍ سَ عِسِرَيِلَ بّلّشّ. عٍ نَشَ عٍ بْنبْ، عٍ عٍ كٍرِ هَن سِدْن تَا شُنفبٍ كُي، هَن مِسِرٍقٌتِ مَيِمِ، هَن مِسِثَ فُلُنبَ رَ سٌفٍتٍدٍ بِرِ. عٍ نَشَ عٍ بْنبْ، عٍ مُ مِشِ كٍرٍن لُ.

⁹يٌسُوٍ نَشَ عٍ شَ قٍ رَبَ عَلْ عَلَتَلَ عَ مَسٍن عَ بّ كِ نَشّ. عَ نَشَ عٍ شَ سٌي سَن قَسّيٍ بٌلٌن، عَ عٍ شَ سْورِ رَفِسٍيٍ قَن فَن.

¹⁰عَ فبِلٍن فبِلٍن مَ، يٌسُوٍ نَشَ شَسٌرِ بْشِ قَن سُشُ، عَ نَشَ عَ مَنفّ قَشَ سَنتِدّفّمَ رَ، بَرِ مَ عَ تَن نَن نُ نَ مَنفَتَا رَ نَ بْشِ بِرِن شُن.

¹¹يٌسُوٍ شَ سْورِيٍ نَشَ عٍ سْنتْ سَنتِدّفّمَ رَ، عٍ مُ مِشِ كٍرٍن لُ عَ سِ رَ. نَ دَنفِ شَنبِ عٍ نَشَ شَسٌرِ تَا فَن.

¹²يٌسُوٍ نَشَ نَ تَايٍ بِرِن سُشُ، عَ مّننِكَيٍ نُن عٍ مَنفّيٍ قَشَ سَنتِدّفّمَ رَ، عَ مّننِ رَتْن عَلْ عَلَتَلَ شَ كٌنيِ مُنسَ عَ قَلَ عَ بّ كِ نَشّ.

¹³كْنْ عِسِرَيِلَ شَ سْورِيٍ مُ تَايٍ فَن نَشٍيٍ نُ نَ فٍيَيٍ قَرِ، قٌ شَسٌرِ كٍرٍن يٌسُوٍ دّننَشّ فَن.

¹⁴عِسِرَيِلَ نَشَ عَ وَ سَسٌ يِ تَايٍ هَرِفٍ نُن عٍ شَ شُرُ سٍيٍ رَ، كْنْ عٍ نَشَ مِشِيٍ تَن بِرِن قَشَ سَنتِدّفّمَ رَ. عٍ مُ مِشِ كٍرٍن لُ عَ حِحّ رَ.

¹⁵عَلَتَلَ نَشَن يَمَرِ عَ شَ كٌنيِ مُنسَ بّ، عَننَبِ مُنسَ قَن نَشَ نَ يَمَرِ يٌسُوٍ بّ. يٌسُوٍ نَشَ نَ بِرِن نَبَ عَلْ عَلَتَلَ عَ مَسٍن عَننَبِ مُنسَ بّ كِ نَشّ.

¹⁶يٌسُوٍ نَشَ نَ بْشِ بِرِن مَسْتْ؛ فٍيَ يِرٍ، نٍفٍوِ فبٍنفبٍرٍنيِ، فٌسٍن بْشِ، سٍقٍلَ بْشِ، نُن يُرُدّن فُلُنبَ، كٍلِقٍ عِسِرَيِلَ فٍيَيٍ مَ هَن بَا دّ رَ.

¹⁷كٍلِ فٍيَ مَفٍلِ عِتٍشِ رَ سٍيِرِ بِرِ رَ، هَن بَلِ فَدِ، لِبَن فُلُنبَ كُي، شٍرِ مٌن فٍيَ بُنيِ، عَ نَشَ نَا مَنفّيٍ بِرِن سُشُ، عَ عٍ سْنتْ.

¹⁸يٌسُوٍ نُن يِ مَنفّيٍ نَشَ فٍرٍ شْنكُيٍ رَبَ.

¹⁹تَا يٌ مُ نُ نَ نَشَن تِن عِسِرَيِلَ شَ لَنبٌورٍحَ رَ، قٌ فَبَيٌن كٍرٍن هِوِكَيٍ نُ سَبَتِشِ دّننَشّ. عِسِرَيِلَكَيٍ نَشَ نَ دْنشْييٍ بِرِن فٍرٍ.

²⁰عَلَتَلَ نَن كَنَانكَيٍ شَشِلِيٍ رَشْرْشْ، عَلَكٌ عِسِرَيِلَ مِشِيٍ شَ عٍ فٍرٍ، عٍ شَ عٍ رَتْن، عٍ نَشَ كِنِكِنِ عٍ مَ قٍقٍ مَ، عَلْ عَلَتَلَ عَ مَسٍن عَننَبِ مُنسَ بّ كِ نَشّ.

²¹نَ وَشَتِ كٍرٍنيِ كُي، يٌسُوٍ نَشَ عَنَكِ بْنسْي قَن فٍرٍ، عَ عٍ سْنتْ شٍبِرٌن، دٍبِرِ، عَنَبَ، نُن فٍيَ يِرٍ نَشٍيٍ نُ نَ يُدَيَ نُن عِسِرَيِلَ بْشِ مَ. يٌسُوٍ نَشَ عٍ بِرِن هَلَكِ، عَ عٍ شَ تَايٍ كَنَ.

²²نَ دَنفِ شَنبِ عَنَكِ بْنسْي كٍرٍن مُ لُ عِسِرَيِلَ بْشِ مَ. نَشٍيٍ مُ قَشَ، نٍيٍ نَشَ سَبَتِ فَسَ، فَتِ، نُن عَسِدٌدِ تَايٍ كُي.