لُكِ 12:1-32

¹يِ قٍيٍ نُ دَنفِقٍ تّمُي نَشّ، مِشِ وُلُ وُلُ نَن نُ بَرَ عٍ مَلَن، هَن عٍ نُ عٍ بٌرٍ مَبٌرٌنقٍ. عِسَ وْيّن قْلْ عَ قْشِرَبِرّيٍ نَن سِنفٍ بّ، عَ نَشّ، «وٌ وٌ يّتّ رَتَنفَ قَرِ سّنِيٍ شَ لّبِنِ مَ، نَشَن قِندِشِ قِلَنكَقُيحَ رَ.

²قٍقٍ نْشُنشِ مُ نَ نَشَن مُ قَمَ مَكّنّندٍ، فُندٌ يٌ مُ نَ نَشَن مُ قَمَ كٌلٌندٍ.

³نَ كُي، وٌ نَشَن يٌ قَلَمَ كْي رَ، عَ مّمَ نّ يَنيِ رَ. وٌ قٍقٍ مَكْيِكْيِمَ بَنشِ كُي، دُنِحَ بِرِن قَمَ رَكٌلٌندٍ عَ رَ كّنّ مَ.»

⁴«ﭑ بٌورٍيٍ، ﭑ شَ عَ قَلَ وٌ بّ، وٌ نَشَ فَاشُ مِشِيٍ يَ رَ نَشٍيٍ نْمَ مِشِ قَتٍ بّندّ قَشَدٍ، كْنْ عٍ مُ نْمَ قٍقٍ رَ نَ شَنبِ رَ.

⁵ﭑ شَ عَ مَسٍن وٌ بّ، عَ لَن وٌ شَ فَاشُ نَشَن يَ رَ. وٌ شَ فَاشُ عَلَ نَن يَ رَ، بَرِ مَ عَ تَن نَن مِشِ قَشَمَ، عَ تَن نَن مَن نْمَ مِشِ وٌلِدٍ يَهَننَمَ. عِيٌ، ﭑ شَ عَ قَلَ وٌ بّ، عَ لَنمَ وٌ شَ فَاشُ عَ تَن نَن يَ رَ.»

⁶«تُرُننَ سُولِ شَ مُ سَرَ مَ بَتَنكَ قِرِن نَ؟ كْنْ عَلَ تَن مُ نّيمُمَ عٍ سٍسٍ مَ.

⁷هَلِ شُنسّشّ نَشَن نَ وٌ شُنيِ مَ، عَلَ عَ بِرِن كْنتِ كٌلٌن. وٌ نَشَ فَاشُ، بَرِ مَ وٌ مُنَقَنيِ فبٌ دَنفِ تُرُننَ شْنِ فَلِ رَ.»

⁸«ﭑ شَ عَ قَلَ وٌ بّ، مِشِ يٌ نَشَن ﭑ كٌلٌنمَ عَ مَرِفِ رَ عَدَ مَدِيٍ يَ مَ، ﭑ تَن عَدَ مَ شَ دِ قَن نَ كَنيِ كٌلٌنمَ نّ عَلَ شَ مَلٍكّيٍ يَ عِ.

⁹كْنْ نَشَن نَ تٌندِ ﭑ كٌلٌندٍ عَدَ مَدِيٍ يَ عِ، ﭑ قَن تٌندِ مَ نّ نَ كَنيِ كٌلٌندٍ عَلَ شَ مَلٍكّيٍ يَ عِ.»

¹⁰«مِشِ نَشَن بِرِن وْيّن كٌبِ قَلَمَ عَدَ مَ شَ دِ شَ قٍ رَ، نَ يُنُبِ نْمَ نّ شَقَرِدٍ نَ كَنيِ بّ، كْنْ مِشِ نَشَن عَلَ شَشِلِ سّنِيّنشِ رَ سْتْمَ، نَ يُنُبِ تَن مُ نْمَ شَقَرِدٍ نَ كَنيِ بّ.»

¹¹«عٍ نَ وٌ شَنِن سَلِدٍ كِيتِسَيٍ يِرٍ، شَ نَ مُ عَ رَ مَنفَسَنيِ شْن، وٌ نَشَ كْنتْقِلِ وٌ عٍ يَابِمَ كِ نَشّ، شَ نَ مُ عَ رَ وٌ نَشَن مَسٍنمَ عٍ بّ،

¹²بَرِ مَ عَلَ شَشِلِ سّنِيّنشِ وٌ رَكٌلٌنمَ نّ نَ وَشَتِ يَتِ مَ، عَ لَن وٌ شَ نَشَن قَلَ.»

¹³مِشِ ندٍ نَشَ عَ قَلَ عِسَ بّ حَمَ تَفِ، «كَرَ مْشْ، عَ قَلَ ﭑ تَارَ بّ عَ شَ مُشُ كّ عِتَشُن، عَ ﭑ فبٍ سٌ ﭑ يِ.»

¹⁴عِسَ نَشَ عَ يَابِ، «ندٍ ﭑ قِندِشِ كِيتِسَ رَ وٌ شُن مَ، شَ نَ مُ عَ رَ وٌ كّ تَشُنمَ رَ؟»

¹⁵عَ مَن نَشَ عَ مَسٍن عٍ بّ، «وٌ عَ عِ كِ قَنيِ، وٌ وٌ يّتّ رَتَنفَ شْيِقٍ سٍ مْولِ بِرِن مَ، بَرِ مَ عِ بَننَ كِيٌكِ، دُنِحّءِفِرِ تِدٍ مُ كٍلِمَ سٍ سْتْي شَ مَ.»

¹⁶نَ شَنبِ، عِسَ نَشَ يِ تَالِ سَ عٍ بّ، «شّمّ بَننَشِ ندٍ شَ شّ نَشَ قَن كِ قَنيِ.

¹⁷عَ نَشَ عَ مَحْشُن عَ يّتّ مَ، ‹ﭑ مُنسٍ رَبَمَ، بَرِ مَ يِرٍ مُ ﭑ بّ ﭑ نْمَ ﭑ مَ دٌنسٍ بِرِن نَفَتَدٍ دّننَشّ؟›

¹⁸عَ نَشَ نَتّ تٌنفٌ، ‹ﭑ يِ نَن نَبَمَ. ﭑ نَ ﭑ مَ بِلِيٍ رَبِرَ مَ نّ، ﭑ فبّتّيٍ تِ نَشٍيٍ فبٌ عٍ بّ. ﭑ نَ ﭑ مَ دٌنسٍ نُن ﭑ مَ سٍ بِرِن مَلَنمَ نٍيٍ نَن كُي.

¹⁹نَ تّمُي ﭑ نَ عَ قَلَمَ نّ ﭑ يّتّ بّ، ﭑ بَرَ سٍ فبٍفبٍ رَفَتَ نَشَن بُمَ حّ وُيَشِ. ﭑ شَ ﭑ مَلَبُ قَ، ﭑ شَ ﭑ دّفٍ، ﭑ شَ ﭑ مِن، ﭑ شَ حّلّشِن.›

²⁰كْنْ عَلَ نَشَ عَ مَسٍن عَ بّ، ‹عِ تَن شَشِلِتَرٍ! تٌ كْي يَتِ رَ، عِ نِي بَمَ نّ عِ قَتٍ. عِ نَشَن بِرِن مَلَنشِ، عَ قَ لُمَ ندٍ بّ؟›

²¹عَ نَ نَ كِ نّ مِشِ بّ نَشَن سٍ مَلَنمَ عَ يّتّ بّ، كْنْ عَ مُ بَننَشِ عَلَ بّ.»

²²نَ دَنفِ شَنبِ عِسَ نَشَ عَ مَسٍن عَ قْشِرَبِرّيٍ بّ، «نَ نَن عَ تٌشِ، ﭑ شَ عَ قَلَ وٌ بّ، وٌ نَشَ كْنتْقِلِ بَلٌي شَ قٍ رَ وٌ هَيِ نَ نَشَن مَ يِ دُنِحّءِفِرِ كُي، شَ نَ مُ عَ رَ، دُفِيٍ شَ قٍ رَ وٌ نَشٍيٍ رَفٌرٌ مَ وٌ قَتٍ مَ.

²³وٌ شَ دُنِحّءِفِرِ تِدٍ فبٌ دٌنسٍ بّ، وٌ قَتٍ تِدٍ فبٌ دُفِيٍ بّ.

²⁴وٌ وٌ مَحْشُن شَاشَيٍ مَ. عٍ مُ سَنسِ سِمَ، عٍ مُ شّ شَبَمَ. سَفَ نُن بِلِ سٍسٍ مُ عٍ يِ، كْنْ عَلَ عٍ رَبَلٌمَ. وٌ تَن تِدٍ فبٌ شْنِيٍ بّ ثٌن!

²⁵ندٍ نْمَ هَلِ شِ كٍرٍن سَدٍ عَ شَ سِمَيَ شُن عَ شَ كْنتْقِلِقٍ سَابُي رَ؟

²⁶شَ وٌ مُ نْمَ نَ قٍ لَنمَ رَ، وٌ قَ كْنتْقِلِمَ قٍ فبّتّيٍ رَ مُنقٍ رَ؟»

²⁷«وٌ وُلَ سَنسِ قُفٍ تٌقَنيِيٍ مَتٌ عٍ مِنِمَ كِ نَشّ. عٍ مُ وَلِمَ، عٍ مُ وٌلِفّسّ يَءِلَنمَ، كْنْ ﭑ شَ عَ قَلَ وٌ بّ، هَلِ مَنفّ سُلٍمَنِ شَ دَرِيّ بِرِن كُي، عَ شَ سٌسٍيٍ مُ نُ تٌقَن عَلْ نَ سَنسِ قُفٍ كٍرٍن.

²⁸شَ عَلَ وُلَ سَنسِ مّينِمَ يِ كِ نّ، نَشَن نَ نَ تٌ، تِنَ عَ فَن، عَ مّينِمَ نّ وٌ تَن مَ دَنفِ نَ رَ ثٌن! وٌ شَ دَنشَنِيَ شُرُن.

²⁹وٌ نَشَ وٌ شَشِلِ بِرِن تِ دٌنسٍ نُن مِنسٍ رَ. وٌ نَشَ كْنتْقِلِ.

³⁰كَاقِرِ بِرِن بِرَ مَ نَ قٍ مْولِ نَن تُن قْشْ رَ. كْنْ وٌ تَن بَبَ عَلَ عَ كٌلٌن، عَ وٌ هَيِ نَ نَ سٍيٍ مَ.

³¹وٌ شَ عَلَ شَ مَنفّيَ نِينِ سِنفٍ قٍن. وٌ هَيِ نَ نَشَن بِرِن مَ، عَ نَ قَن قِمَ نّ وٌ مَ.»

³²«وٌ نَشَ فَاشُ، وٌ تَن نَشٍيٍ لُشِ عَلْ ﭑ مَ شُرُ سٍ فْورّ لَنمَ، بَرِ مَ عَ بَرَ وٌ بَبَ عَلَ كّنّن عَ شَ مَنفّيَ نِينِ قِ وٌ مَ.