كِيتِسَيٍ 8:3-14

³عَلَتَلَ مَدِيَنكَيٍ شَ مَنفّيٍ عٌرٍبِ نُن سٍيبِ سَشِ وٌ تَن نَن سَفٌ. ﭑ مُنسٍ رَبَشِ نَشَن تِدٍ فبٌ نَ بّ؟» عَ تٌ فّ وْيّندٍ، عٍ بْحّ نَشَ فٌرٌ.

⁴هَلِ فٍدٍيٌن نُن عَ شَ سْورِيٍ مِشِ كّمّ سَشَنيِيٍ تٌ نُ تَفَنشِ، عٍ يُرُدّن عِفِرِ نّ مَدِيَنكَيٍ كٍرِقٍ رَ.

⁵عَ نَشَ عَ قَلَ سُكْتِكَيٍ بّ، «ﭑ بَرَ وٌ مَشَندِ، وٌ تَامِ ندٍ سٌ ﭑ مَ مِشِيٍ يِ رَ، بَرِ مَ عٍ بَرَ تَفَن. ﭑ نَ مَدِيَنكَيٍ شَ مَنفّيٍ سّبَ نُن سَلَمُنَ نَن كٍرِقٍ.»

⁶سُكْتِ مَنفّيٍ نَشَ فٍدٍيٌن يَابِ، «وٌ حَن بَرَ فّ سّبَ نُن سَلَمُنَ سُشُدٍ؟ عَ لَنمَ مُشُ شَ تَامِ سٌ عِ شَ سْورِيٍ يِ رَ مُنقٍ رَ؟»

⁷فٍدٍيٌن نَشَ عَ قَلَ، «عَلَتَلَ نَ سّبَ نُن سَلَمُنَ سَ ﭑ سَفٌ تّمُي نَشّ، ﭑ قَمَ وٌ قَتٍيٍ مَبْودٍ فبٍنفبٍرٍن يِرٍ تُنبٍيٍ نَن نَ.»

⁸فٍدٍيٌن نَشَ كٍلِ مّننِ، عَ سِفَ ثٍنِيٍلِ. عَ نَشَ مّننِكَيٍ قَن مَكُلَ تَامِ رَ. ثٍنِيٍلِكَيٍ قَن نَشَ عَ يَابِ عَلْ سُكْتِ مِشِيٍ عَ يَابِ كِ نَشّ.

⁹عَ نَشَ عَ قَلَ نٍيٍ قَن بّ، «ﭑ نَ شُننَكٍلِ سْتْ، ﭑ قَمَ بٍ وٌ شَ تَا تّتّ بِرِن نَبِرَدٍ.»

¹⁰سّبَ نُن سَلَمُنَ نُ نَ كَرَكٌرٍ، عٍ نُن عٍ شَ سْورِ مِشِ وُلُ قُ نُن سُولِ حْندْن. عٍ تَن فبَنسَن نَن نُ لُشِ. سْورِ مِشِ وُلُ كّمّ مِشِ وُلُ مْشْحّن نُ بَرَ قَشَ سَنتِدّفّمَ رَ بْنسْييٍ يَ مَ نَشٍيٍ كٍلِشِ سٌفٍتٍدٍ.

¹¹فٍدٍيٌن نَشَ تٍ كِرَ شْن مَ نٌبَ نُن يٌفبٍهَ سٌفٍتٍدٍ بِرِ. عَ نَشَ سْورِيٍ بْنبْ نَا، نَشٍيٍ نُ لَشِ عَ رَ عَ فٍرٍ مُ عٍ لِمَ سْنْن.

¹²مَدِيَن مَنفّيٍ سّبَ نُن سَلَمُنَ قَن نَشَ عٍ فِ. فٍدٍيٌن نَشَ بِرَ عٍ قْشْ رَ، هَن عَ عٍ سُشُ، عَ قَ عٍ شَ سْورِيٍ بِرِن نَفِ.

¹³يٌوَ سِ شَ دِ فٍدٍيٌن تٌ قَ كٍلِقٍ فٍرٍ سٌدٍ شّرّ سّ فٍيَ قَرِ،

¹⁴عَ نَشَ سُكْتِ قٌنِكٍ ندٍ سُشُ، عَ عَ كَرَشَن عَ شَ سُكْتِ مَنفّيٍ نُن كُنتِفِيٍ شِلِيٍ سّبّ عَ بّ. نٍيٍ نَشَ لَن مِشِ تٌنفٌ سٌلٌقٍرٍ عَ نُن سٌلٌقٍرٍ مَ.