كِيتِسَيٍ 20:30-44

³⁰عٍ تٌ تٍ بُنيَمِنكَيٍ شِلِ مَ فِبِيَ يَ تَفِ عٍ نُ نَ دّننَشّ بٌورٍ بِيَاسِ،

³¹بُنيَمِن شَ دِيٍ نَشَ مِنِ عٍ فٍرٍدٍ. عٍ نَشَ مِشِ تٌنفٌ سَشَن قَشَ بٍتٍلِ نُن فِبِيَ كِرَيٍ شْن مَ.

³²بُنيَمِنكَيٍ نَشَ عَ قَلَ عٍ بٌورٍيٍ بّ، «وٌن مَن نَ عٍ بْنبْقٍ نّ يِ كِ عَلْ عَ سِنفٍ،» كْنْ عِسِرَيِلَكَيٍ تَن نُ بَرَ عَ قَلَ عٍ بٌورٍ بّ، «وٌن شَ وٌن مَكُيَ تَا رَ، عٍ شَ بِرَ وٌن قْشْ رَ كِرَيٍ شْن مَ.»

³³عِسِرَيِلَ شّمّيٍ نَشَ عٍ مَلَن بَلِ تَمَرِ. نَشٍيٍ نُ نَ فِبِيَ مّلّنقٍ، نٍيٍ قَن نَشَ مِنِ كّنّ مَ.

³⁴عِسِرَيِلَ سْورِ قَنيِ وُلُ قُ نَشَ فِبِيَ فٍرٍ عَ حَاشِ رَ. بُنيَمِنكَيٍ مُ فّشِ عَ كٌلٌندٍ فبَلٌي نُ بَرَ عٍ لِ.

³⁵عَلَتَلَ نَشَ بُنيَمِن بْنسْي بْنبْ عِسِرَيِلَ يَ شْرِ. شّمّ سَنتِدّفّمَ كَنيِ وُلُ مْشْحّن نُن سُولِ، شّمّ كّمّ نَشَ قَشَ نَ لْشْي.

³⁶بُنيَمِن شَ دِيٍ نَشَ عَ كٌلٌن عٍ مُ فٍينِشِ يِ بِيَاسِ. عِسِرَيِلَكَيٍ نَشَ عَ لُ عٍ شَ فبِلٍن فِبِيَ مَبِرِ، بَرِ مَ عٍ عَ كٌلٌن سْورِ فبّتّيٍ نُ نَ عٍ مّلّنقٍ.

³⁷سْورِ نَشٍيٍ نُ فِبِيَ مّلّنقٍ، نٍيٍ نَشَ سٌ تَا كُي كٍرٍن نَ، عٍ مِشِ بِرِن قَشَ سَنتِدّفّمَ رَ.

³⁸عٍ نُ بَرَ لَن عَ مَ عٍ شَ تّ سٌ تَا رَ، تُورِ فبٍفبٍ شَ تٍ كٌورٍ مَ.

³⁹عِسِرَيِلَكَ بٌورٍيٍ تٌ نَ تٌ، عٍ نَشَ عٍ مَقِندِ بُنيَمِنكَيٍ شِلِ مَ. بُنيَمِنكَيٍ تٌ بَرَ مِشِ تٌنفٌ سَشَن قَشَ، عٍ نَشَ عَ قَلَ عٍ بٌورٍ بّ، «وٌن نَ عٍ بْنبْقٍ نّ يِ كِ عَلْ عَ سِنفٍ.»

⁴⁰كْنْ عٍ تٌ تُورِ تٌ تٍ رَ كٌورٍ مَ كٍلِقٍ عٍ شَ تَا كُي،

⁴¹بُنيَمِنكَيٍ نَشَ فَاشُ نَ فبَلٌي يَ رَ. عِسِرَيِلَكَيٍ نَشَ عٍ مَقِندِ، عٍ شَ عٍ فٍرٍ.

⁴²بُنيَمِنكَيٍ نَشَ فبِلٍن عٍ قْشْ رَ، عٍ عٍ فِ فبٍنفبٍرٍن كِرَ شْن مَ. سْورِ نَشٍيٍ نُ نَ تَا كُي، نٍيٍ مُ تِن عٍ شَ عٍ بَ عٍ يِ. عٍ نَشَ بِرَ عٍ قْشْ رَ، عٍ عٍ قَشَ، بَرِ مَ عٍ نُ بَرَ مَكْرّ عٍ رَ.

⁴³عِسِرَيِلَكَيٍ نَشَ عٍ رَبِلِن، عٍ بِرَ عٍ قْشْ رَ فِبِيَ قُفٍ رَ.

⁴⁴بُنيَمِن سْورِ قَنيِ وُلُ قُ نُن سٌلٌمَسَشَن نَشَ قَشَ نَ فٍرٍ كُي.