كِيتِسَيٍ 19:2-20 - سٌسٌ كِتَابُييٍ؛ تَوُرٍتَ، يَبُرَ، عِنيِلَ

²كْنْ نَ فِنّ نَشَ يّنّ رَبَ، عَ كٍلِ عَ شَ مْرِ شُن مَ، عَ سِفَ بّتّلّيمُ يُدَيَ بْشِ مَ عَ بَبَ شْنيِ. عَ تٌ كِكٍ نَانِ رَبَ نَا،

³عَ شَ مْرِ نَشَ سِفَ عَ يِرٍ عَلَكٌ عٍ شَ لَن قٍ كٍرٍن مَ. عَ شَ كٌنيِ قٌنِكٍ نَشَ عَ مَتِ، عٍ سِفَ سٌقَلٍ قِرِن قَرِ. نَ فِنّ نَشَ عَ رَ سٌ عَ بَبَ شْنيِ. نَ فِنّ بَبَ تٌ نَ شّمّ تٌ، عَ نَشَ عَ رَ سّنّ سّيوّ رَ.

⁴عَ بِتَنيِ نَشَ عَ مَكَنكَن، عٍ قَ لُ عَ شْنيِ شِ سَشَن. عَ نَشَ عٍ يِفِيَ عَ قَنيِ رَ.

⁵شِ نَانِ ندٍ، لٍوِكَ نَشَ كُرُن عَ شَ كٌتٍ يَءِلَن نَ، كْنْ عَ بِتَنيِ نَشَ عَ قَلَ عَ بّ، «عِ دّ عِبَ تَامِ رَ سِندٍن، وٌ قَ سِفَ.»

⁶عٍ نَشَ دْشْ، عٍ نَشَ عٍ دّفٍ يِرٍ كٍرٍن. نَ شَنبِ عَ بِتَنيِ نَشَ عَ قَلَ عَ بّ، «عِ شَ شِ بٍ تٌ كْي رَ. عِ شَ تِن نَ رَ عَلَكٌ عِ بْحّ شَ رَقَن عِ مَ.»

⁷نَ فِنّ شَ مْرِ نَشَ كٍلِ، عَ شَ سِفَ، كْنْ عَ بِتَنيِ نَشَ عَ كَرَشَن عَ شَ نَ كْي رَدَنفِ نَا.

⁸شِ سُولِ ندٍ، عَ مَن نَشَ كُرُن، عَ شَ سِفَ. عَ بِتَنيِ مَن نَشَ عَ قَلَ عَ بّ، «ﭑ بَرَ عِ مَيَندِ، عِ شَ عِ دّ عِبَ سِندٍن، عِ قَ سِفَ نُنمَرٍ رَ.» عٍ مَن نَشَ عٍ دّفٍ يِرٍ كٍرٍن.

⁹نَ شّمّ تٌ كٍلِ، عَ شَ سِفَ، عَ تَن نُن عَ شَ فِنّ، نُن عَ شَ قٌنِكٍ كٌنيِ، عَ بِتَنيِ مَن نَشَ عَ مَيَندِ، «عِ بَرَ عَ تٌ، كْي نَ سٌقٍ. وٌ شَ شِ بٍ تٌ، عِ بْحّ شَ رَقَن عِ مَ. تِنَ وٌ شَ كُرُن، وٌ شَ سِفَ وٌ شْنيِ.»

¹⁰نَ فِنّ شَ مْرِ مُ تِن نَ رَ. عَ نَشَ كٍلِ، عَ نُن عَ شَ فِنّ نَشَ دْشْ سٌقَلٍ قِرِنيِيٍ قَرِ، عٍ سِفَ يٍبُسُ بِرِ رَ، نَشَن قِندِشِ دَرِ سَلَمُ رَ.

¹¹عٍ مَكْرّشِ يٍبُسُ رَ تّمُي نَشّ، نُنمَرٍ نُ بَرَ سٌ. يِ قٌنِكٍ كٌنيِ نَشَ عَ قَلَ عَ مَرِفِ بّ، «وٌن شَ تِ بٍ يٍبُسُ تَا كُي، وٌن شَ شِ بٍ.»

¹²عَ مَرِفِ نَشَ عَ يَابِ، «وٌن مُ سٌمَ تَا عِ سِ فبّتّ سَبَتِشِ دّننَشّ. وٌن شَ شِ عِسِرَيِلَ تَا ندٍ نّ فِبِيَ.»

¹³عَ مَن نَشَ عَ قَلَ عَ شَ قٌنِكٍ كٌنيِ بّ، «وٌن شّي، وٌن شَ سٌ فِبِيَ، شَ نَ مُ رَ مَ، وٌن شَ شِ مّننِ.»

¹⁴عٍ نَشَ حّرّ هَن سٌفٍ دُلَ تّمُي. عٍ نُ بَرَ مَكْرّ فِبِيَ رَ، بُنيَمِن بْنسْي شَ بْشِ مَ.

¹⁵عٍ نَشَ سٌ فِبِيَ، عٍ شَ شِ نَا. عٍ نَشَ تِ تَا تَفِ، كْنْ مِشِ يٌ مُ تِن عٍ يِفِيَدٍ.

¹⁶قٌرِ ندٍ، نَشَن كٍلِ عٍقِرَ مِ فٍيَيٍ مَبِرِ، كْنْ عَ نُ سَبَتِشِ فِبِيَ نّ، عَ نَشَ سٌ تَا كُي نُنمَرٍ، كٍلِقٍ وَلِدٍ شّ مَ. مّننِ مِشِيٍ تَن بُنيَمِن شَ دِيٍ نَن نُ عٍ رَ.

¹⁷نَ قٌرِ تٌ شْحّيٍ تٌ تَا تَفِ، عَ نَشَ عٍ مَشْرِن، «وٌ كٍلِشِ مِندٍن؟ وٌ سِفَقٍ مِندٍن؟»

¹⁸عٍ نَشَ عَ يَابِ، «مُشُ كٍلِشِ بّتّلّيمُ يُدَيَ بْشِ نَن مَ، مُشُ نَ سِفَقٍ عٍقِرَ مِ فٍيَيٍ مَ، ﭑ سَبَتِشِ دّننَشّ. ﭑ كٍلِشِ بّتّلّيمُ يُدَيَ بْشِ نَن مَ، ﭑ نَ سِفَقٍ عَلَتَلَ شَ بَنشِ، كْنْ ﭑ مُ يِفِيَ سْتْشِ سِندٍن.

¹⁹حٌوفٍ نُن بُرّشّ نَ مُشُ يِ مُشُ شَ سٌقَلٍ نَشَن دٌنمَ. تَامِ نُن وّنِ قَن نَ مُشُ يِ مُشُ نَشَن دٌنمَ، ﭑ تَن، ﭑ مَ فِنّ، نُن ﭑ مَ قٌنِكٍ كٌنيِ. سٍسٍ مُ لُشِ نَشَن مُ نَ مُشُ يِ رَ.»

²⁰نَ قٌرِ نَشَ عَ قَلَ عَ بّ، «عَلَ شَ وٌ بْحّ سَ. ﭑ بَرَ وٌ يِفِيَ، وٌ مُ لُمَ تَا تَفِ تٌ كْي رَ.»