عِسِرَيِلَ مَنفّيٍ ١ 21:5-23

⁵عَ شَ فِنّ يٍسَبٍلَ نَشَ سِفَ عَ يِرٍ، عَ عَ مَشْرِن، «مُنقٍ رَ عِ بْحّ مَحَاشُشِ، عِ مُ تِن عِ دّفٍدٍ؟»

⁶عَ نَشَ عَ يَابِ، «ﭑ بَرَ عَ قَلَ يِسِرٍيلِكَ نَبٌتِ بّ عَ شَ عَ شَ سَنسِ يِرٍ سٌ ﭑ يِ رَ، ﭑ شَ عَ سَرَ، شَ نَ مُ عَ رَ، ﭑ شَ سَنسِ يِرٍ فبّتّ سٌ عَ يِ رَ، كْنْ عَ مُ تِن نَ رَ قٍقٍ مَ.»

⁷نَ كُي، عَ شَ فِنّ يٍسَبٍلَ نَشَ عَ قَلَ عَ بّ. «ثٍ، عِ تَن شَ مُ قِندِشِ عِسِرَيِلَ مَنفّ رَ؟ عَوَ، مَنفّ، كٍلِ، عِ شَ عِ دّفٍ حّلّشِنيِ كُي. ﭑ تَن يِسِرٍيلِكَ نَبٌتِ شَ سَنسِ يِرٍ سٌمَ نّ عِ يِ رَ!»

⁸عَ شَ فِنّ نَشَ بَتَاشّ سّبّ عَكَبُ شِلِ رَ، عَ مَنفّ عَكَبُ شَ تْنشُمَ سَ عَ مَ، عَ قَ عَ رَ سَنبَ قٌرِيٍ نُن كُنتِفِيٍ مَ، نَشٍيٍ نُ سَبَتِشِ نَبٌتِ شَ تَا كُي.

⁹عَ سّبّشِ بَتَاشّ كُي، «وٌ سُنيِ نُن سَلِ رَبَقٍ تِ حَمَ بّ، نَبٌتِ شَ دْشْ حَمَ بِرِن يَ عِ.

¹⁰وٌ شَ قُيَنتٍ قِرِن دْشْ عَ يَ عِ، نَشٍيٍ عَ تْوحّفّمَ، عَ قَلَقٍ رَ عَ بَرَ عَلَ نُن مَنفّ كٌنبِ. نَ كُي وٌ شَ عَ رَ مِنِ تَا كُي، وٌ عَ مَفْنْ فّمّ رَ هَن عَ شَ قَشَ.»

¹¹نَبٌتِ شَ تَا مِشِيٍ، قٌرِيٍ نُن كُنتِفِيٍ نَشَ عَ رَبَ، عَلْ يٍسَبٍلَ عَ يَمَرِشِ كِ نَشّ نَ بَتَاشّ كُي.

¹²عٍ نَشَ سُن عٍ سَلِ، عٍ نَبٌتِ دْشْ حَمَ بِرِن يَ تٌدٍ رَ،

¹³عٍ قَ قُيَنتٍ قِرِنيِ رَدْشْ عَ يِرٍ. نَ قُيَنتٍ قِرِنيِيٍ نَشَ نَبٌتِ تْوحّفّ حَمَ يَ عِ، عَ قَلَقٍ رَ، «نَبٌتِ بَرَ عَلَ نُن مَنفّ كٌنبِ.» حَمَ نَشَ نَبٌتِ شَنِن تَا قَرِ مَ، عٍ عَ مَفْنْ هَن عَ قَشَ.

¹⁴عٍ نَشَ شّيرَيٍ شّي يٍسَبٍلَ مَ، عَ قَلَقٍ رَ، «نَبٌتِ بَرَ مَفْنْ فّمّ رَ، عَ بَرَ قَشَ.»

¹⁵يٍسَبٍلَ تٌ عَ مّ عَ نَبٌتِ بَرَ مَفْنْ فّمّ رَ هَن عَ بَرَ قَشَ، عَ نَشَ سِفَ عَكَبُ يِرٍ، عَ عَ قَلَ عَ بّ، «يَكْسِ كٍلِ، عِ شَ نَبٌتِ شَ سَنسِ يِرٍ تٌنفٌ، نَبٌتِ يِسِرٍيلِكَ تٌندِ نَشَن سَرَدٍ عِ مَ كْبِرِ رَ. نَبٌتِ عَ مُ نَ سْنْن، عَ بَرَ قَشَ.»

¹⁶عَكَبُ تٌ عَ مّ، عَ نَبٌتِ بَرَ قَشَ، عَ نَشَ كٍلِ كٍرٍن نَ، عَ سَ نَبٌتِ شَ سَنسِ يِرٍ قِندِ عَ فبٍ رَ.

¹⁷عَلَتَلَ نَشَ عَ مَسٍن عَننَبِ عٍلِيَ تِسِبٍكَ بّ، عَ نَشّ،

¹⁸«سِفَ عِسِرَيِلَ مَنفّ عَكَبُ يِرٍ سَمَرِ. عَ نَ نَبٌتِ شَ سَنسِ يِرٍ، عَ نَشَن قِندِشِ عَ فبٍ رَ.

¹⁹عِ شَ عَ قَلَ عَ بّ، ‹عَلَتَلَ شَ مَسٍنيِ نَن يَ؛ «عِ بَرَ قَشّ تِ، عِ بَرَ مِشِ كّ مُحَ! بَرٍيٍ قَمَ عِ وُلِ مَكْندٍ، عٍ نَبٌتِ وُلِ مَكْنشِ دّننَشّ.»›»

²⁰عَكَبُ نَشَ عٍلِيَ يَابِ، «عِ تَن ﭑ يَشُي، عِ بَرَ ﭑ تٌ؟» عَ نَشَ عَ قَلَ عَ بّ، «عِيٌ، ﭑ بَرَ عِ تٌ. عِ تٌ عِ يّتّ قِ قٍ حَاشِ رَبَقٍ مَ، نَشَن مُ رَقَنشِ عَلَتَلَ مَ،

²¹ﭑ فبَلٌي رَفٌرٌ مَ نّ عِ مَ، ﭑ عِ بَمَ نّ عِسِرَيِلَ، ﭑ شّمّ بِرِن قَشَ شْرّ نُن كٌنيِ عِ بْنسْي يَ مَ عِسِرَيِلَ.

²²ﭑ عِ شَ قْشّ لُمَ نّ، عَلْ نٍبَتِ شَ دِ يٍرٌبٌوَ مِ نُن عَهِيَ شَ دِ بَاسَ شَ قْشّيٍ، بَرِ مَ عِ بَرَ ﭑ نَشْنْ، عِ مَن بَرَ عِسِرَيِلَ حَمَ بِرِن نَحّرّ يُنُبِ كُي.»

²³«عَلَتَلَ شَ مَسٍنيِ نَن يَ يٍسَبٍلَ شَ قٍ رَ، عَ نَشّ، ‹بَرٍيٍ قَمَ نّ يٍسَبٍلَ دٌندٍ يِسِرٍيلِ تّتّ قّ مَ.