عِسِرَيِلَ مَنفّيٍ ١ 16:13-30

¹³بَاسَ نُن عَ شَ دِ عٍلَ قَشَ عٍ شَ يُنُبِ قُقَقُيٍ نَن مَ قٍ رَ، عٍ عِسِرَيِلَ مَرِفِ عَلَتَلَ رَشْنْشِ نَشٍيٍ رَ.

¹⁴عٍلَ شَ تَرُشُي دْنشْي بِرِن سّبّشِ عِسِرَيِلَ مَنفّيٍ شَ تَرُشُي كُي.

¹⁵يُدَيَ مَنفّ عَسَ شَ مَنفّيَ حّ مْشْحّن نُن سٌلٌقٍرٍ ندٍ رَ، سِمِرِ نَشَ مَنفّيَ رَبَ شِ سٌلٌقٍرٍ بُن مَ تِرِ سَ. عِسِرَيِلَ حَمَ نُ نَ فِبّتْن قِلِسِتَكَيٍ فٍرٍدٍ.

¹⁶حَمَ تٌ عَ مّ، عَ سِمِرِ بَرَ مَنفّ يَنقَ، عَ عَ قَشَ، عٍ نَشَ سْورِ شُنيِ عٌمِرِ تِ عِسِرَيِلَ مَنفّ رَ كٍرٍن نَ.

¹⁷نَ تّمُي عٌمِرِ نُن عِسِرَيِلَ سْورِيٍ نَشَ كٍلِ فِبّتْن، عٍ سَ تِرِ سَ رَبِلِن.

¹⁸سِمِرِ تٌ عَ تٌ، تَا بِرِن نَبِلِنشِ، عَ نَشَ سٌ مَنفّ بَنشِ كُي، عَ نَ فَن عَ يّتّ شُن مَ.

¹⁹عَ قَشَ عَ شَ يُنُبِيٍ نَن مَ قٍ رَ، نَشٍيٍ نُ بَرَ عَلَتَلَ رَشْنْ. عَ نُ بَرَ بِرَ يٍرٌبٌوَ مِ شَ كِرَ قْشْ رَ، عَ عَ نِيَ عِسِرَيِلَ حَمَ قَن شَ يُنُبِ رَبَ.

²⁰سِمِرِ شَ تَرُشُي دْنشْي نُن عَ شَ يَنقَنتٍيَ سّبّشِ عِسِرَيِلَ مَنفّيٍ شَ تَرُشُي كُي.

²¹نَ تّمُي عِسِرَيِلَ حَمَ سّيتِ نُ وَ مَ فِنَتِ شَ دِ تِبِنِ تِقٍ مَنفّ رَ، بٌورٍ سّيتِ نُ وَ مَ عٌمِرِ نَن شْن.

²²حَمَ سّيتِ نَشَن نُ نَ عٌمِرِ قْشْ رَ، نٍيٍ نَشَ نْ فِنَتِ شَ دِ تِبِنِ شَ حَمَ رَ. عٍ نَشَ تِبِنِ قَشَ، عٍ عٌمِرِ تِ مَنفّ رَ.

²³يُدَيَ مَنفّ عَسَ شَ مَنفّيَ حّ تٌنفٌ سَشَن نُن كٍرٍن ندٍ رَ، عٌمِرِ نَشَ قِندِ عِسِرَيِلَ مَنفّ رَ، عَ بُ نَ كُي حّ قُ نُن قِرِن. عَ تٌ فّ حّ سٍننِ رَبَدٍ تِرِ سَ،

²⁴عَ نَشَ سَمَرِ فٍيَ سَرَ سٍمٍرِ مَ فبٍتِ كِلٌ تٌنفٌ سٌلٌقٍرٍ رَ. عَ نَشَ تَا تِ نَا قَرِ، عَ نَ تَا شِلِ سَ سَمَرِ، بَرِ مَ نَ فٍيَ كَنيِ نُ شِلِ نّ سٍمٍرِ.

²⁵عٌمِرِ نُ قٍ حَاشِيٍ رَبَمَ، نَشٍيٍ مُ رَقَن عَلَتَلَ مَ. عَ شَ قٍ حَاشِيٍ نُ دَنفِ عِسِرَيِلَ مَنفّ سِنفٍيٍ فبٍيٍ رَ.

²⁶عَ نٍبَتِ شَ دِ يٍرٌبٌوَ مِ قْشِ بِرِن نَبَ نّ، عَ عَ نِيَ عِسِرَيِلَ حَمَ قَن شَ عٍ مَرِفِ عَلَتَلَ رَشْنْ عٍ شَ قٍ قُقَقُيٍ رَ.

²⁷عٌمِرِ شَ تَرُشُي، نُن عَ شَ فٍرٍ كِ قَنيِ، نَ بِرِن سّبّشِ عِسِرَيِلَ مَنفّيٍ شَ تَرُشُي كُي.

²⁸عٌمِرِ نَشَ لَاشِرَ، عَ رَفَتَ عَ بٍنبَيٍ سّيتِ مَ سَمَرِ. عَ شَ دِ عَكَبُ نَشَ تِ مَنفّ رَ عَ حْشْي رَ.

²⁹يُدَيَ مَنفّ عَسَ شَ مَنفّيَ حّ تٌنفٌ سَشَن نُن سٌلٌمَسَشَن ندٍ رَ، عٌمِرِ شَ دِ نَشَ قِندِ عِسِرَيِلَ مَنفّ رَ. عَ بُ نّ مَنفّيَ كُي عِسِرَيِلَ شُن مَ سَمَرِ حّ مْشْحّن نُن قِرِن.

³⁰عَكَبُ نَشَ قٍ حَاشِيٍ رَبَ، نَشٍيٍ مُ رَقَن عَلَتَلَ مَ، دَنفِ مَنفّ سِنفٍيٍ رَ.