Zinama Tumatumae 6:2-13

²meke veko pule nigo pa sipata si goi koari mua zinama, tasuna ni goi sapu ele zama veko ni goi pa ṉuzumu,

³si mu tavete gua hie, tuqu, pude va rupaha pule nigo, ura ele veko pule nigo pa ṉiniraṉira tanisa keke tie sana. Va pepekae pule nigo, mamu la koasa tie asa; mamu tepa sisigiti pude vata rupahigo koasa gale.

⁴Mu lopu puta, lopu la va opo paki mata si agoi.

⁵Vata rupaha pule nigo, guana igana koasa vaqara tana tie habu; guana kurukuru tapuru koasa sipata.

⁶Mu doṉo la koari na menemene, agoi na tie hakohako; mu tumae ni sari dia hahanana, mamu gilae!

⁷Loke dia koimata, loke tie tuturaṉa babe na palabatu,

⁸ba hata varigara ginani si arini totoso maṉini sa popoa, meke qireqire nia arini sa totoso ibu.

⁹Agoi na tie hakohako, vea seunae gua si kote puta goi? Totoso sa si kote tekulu goi?

¹⁰Na puta hite, opo hite mata, polo hitei sari lima pude magogoso,

¹¹gua hoi si raza mo sa hinabahuala, guana tie hikohikona, minalaṉa si rapata guana keke kana.

¹²Keke tie loke laena meke na tie kaleana si ene vilorae lamae meke zama hoboro nia ṉuzuna,

¹³meke putaputa kale mata pude turaṉa va sea igo, zozoti nene na sipusipu lamae,