Text copied!
CopyCompare
GALA Sɛʋɛi - Tɛnɛ Faalaaliiti - Tɛnɛ Faalaaliiti 6

Tɛnɛ Faalaaliiti 6:2-13

Help us?
Click on verse(s) to share them!
2ni è ɓɔɠɔ ɠilia ga è-laawooiti, ni è ɓɔɠɔ ɠɛa ga kasoɠa nu ga è-laawooiti maaʋele,
3naa ma, nii ɗa kɛ dòun zunu, ɓɔɠɔ vie, tɔɔzei è loa è-zeiɲɔɠɔi yeezaama, li è ɓɔɠɔmaayei bɛ, è ɓɔi da ga maanɛɛnɛi.
4Mina va bu, ɲiimɛnii ʋa lɔ è-ɠaazu, ɓaa è-ɠaazuɠɔlɔgiti ti ʋa pɛɛ ma mɛɛ.
5Ɓɔɠɔ vie ga dopai ɠɛʋele, é ɠulazu dosoiti zea, eɠɛʋelei wɔnii a ɗa kɛ la, é ɠula wɔni zo nui ná-tumɔi zu.
6Ɗɛi è ga ɲaka nui, li lɛɛ pupuiti pɔ bɛ, è ti ʋɛtɛ, ti ziɛ ʋeleiti sumɔ, è ɠigi zɔlɔɔ.
7Ta-wɛlɛma nu la ná, ta-ɠalamɔn la ná, ta-ɠundiɠi la ná,
8ta ɗa ti-ɠɔnɔgi ɓɛtɛ, foɠo undaaɠulazuʋɛ, ti ti-laamianigi ɠaalɛ ba molo leʋe ziɛgi zu.
9Ɲaka nui, ɗa yɛsu laani, eyɛsu yeelɛ? Siɛgi ɓɛgele ɠa è wuzeɠezu la, è ɠula ɗa-ɲiimɛnii zu?
10È lago ɲi, è lago ɠaazuʋɛɛ ma, è yeeiti da ɓɔɠɔ ma, è lago zaamale,
11kɛlɛ naama ziɛgi zu, baladai ɠa ɠula è viliba eɠɛ siɛziɛ nui, nimizai zeeli è ma eɠɛ kɔɔɠɔ nui.
12Nu ɲakai ɠa ga telebotala nui, toɠa a ɗa li ga zɛɛ ɓɔɛiti boga,
13é ɗa ɠaazuʋɛ loo ma, é ɗa ɠɔɠɔiti gaaloɠa, é ɗa poogiti kɛ ga yeeɓeɠaiti,

Read Tɛnɛ Faalaaliiti 6Tɛnɛ Faalaaliiti 6
Compare Tɛnɛ Faalaaliiti 6:2-13Tɛnɛ Faalaaliiti 6:2-13