Zinama Tumatumae 30:2-8

²Arau si na tie pekipekiqu hola koari doduru tinoni; sa ginilagilana tana tie si lopu tagoa rau.

³Lopu ele va nonoga ia rau sa ginilagilana lohina, babe tumae nia sa Tamasa Hopena.

⁴Esei si ele sage la pa maṉauru meke gore pule mae? Esei ele boka varigara ni pa ola limana sa givusu? Esei ele hadeni pa keke kukuru poko sari na kolo? Esei ele taveti sari doduru hukihukirina sa kasia popoa? Esei sa pozana, meke sa pozana sa tuna koreo? Tozi nau be gilania goi!

⁵Doduru zinama te Tamasa si tava sosodedi sapu hinokara; na lave si Asa koari pu la koa aqorae koa Sa.

⁶Mu lopu hodai sari Nana zinama, na kote gegese igo Sa meke va sosodea sapu koha si goi.

⁷Kei Zihova, karua ginugua mo si tepai rau koa Goi: lopu heki ni koa rau sipu lopu ele mate si rau:

⁸Va seu i koa rau sari zinama lopu hinokara meke kokohadi; lopu va malaṉa au ba lopu va tagotago au tugo, ba poni au sa gequ ginani doduru rane.