Taalie 30:2-8

²N ma lɔnni mu gbo alɔ booree, n mu gɛxi fahaamui gbegbe sɔtɔde.

³N mu findixi lɔnnila ra, n mu lɔnni sɔtɔxi Ala xa Sɛniyɛntɔɛe xa fe ra.

⁴Nde texi koore, a man naxa goro? Nde foye malanxi a bɛlɛxɛe kui? Nde ye ragataxi a xa sosee kui? Nde duniɲa naaninyie saxi? A xili di? A xa di xili di? I na kolon?

⁵Ala xa masenyi birin findixi nɔndi nan na, a findi kantari ra mixi bɛ naxan lama a ra.

⁶I naxa se sa na masenyi xun ma, alako Ala naxa i suxu, a fa i xa wule to.

⁷N wama fe firin maxɔrinfe i ma beenun n xa faxa. I naxa tondi.

⁸Madaxuɲa nun wule makuya n na. I naxa n findi setare ra, i naxa n findi banna ra. Baloe gbansan fi n ma, naxan n wasama.