ZABURA 97:4-12

⁴A legũpinaa dì zĩtɛ pu, tó andunia è, àdi luka.

⁵Kpinↄ dì yↄ́ lán zↄ́saa bà Dikiri arɛ, andunia pínki Dikiri arɛ.

⁶Musudenↄ dì a manakɛ kpàkpa kɛ, buri sĩnda pínki dì a gakuri e.

⁷Wé'i dì tãnagbagbarinↄ kũ ń pínki, gbɛ̃ kũ òdi ĩa dã kũ pↄ́ ginanↄ. Tãnanↄ ni donyĩ kɛnɛ ń pínki.

⁸Zaiↄ̃denↄ mà ò pↄnna kɛ̀, Yuda wɛ̃tɛdenↄn kú pↄnna gũn n yãkpatɛkɛnanↄ yãi, Dikiri.

⁹Zaakũ ń kú musu de andunia pínkila, Dikiri, ń de tãnanↄla ń pínki.

¹⁰Dikiri ye gbɛ̃ kũ ò zã̀ yã vãninnↄi, àdigↄ̃ a yãmarinↄ wɛ̃̀ndi dãkpã, àdi ń bo yãvãnikɛrinↄ ↄĩ.

¹¹Gu dì dↄ gbɛ̃ mananↄa, nɛ̀sɛpuradenↄn pↄnna vĩ.

¹²Gbɛ̃ mananↄ, à pↄnna kɛ Dikiri gũn, à a tↄ́ kũ à kú adona bo.