ZABURA 83:6-15

⁶Ɛdↄmunↄ kũ Sumaila burinↄ kũ Mↄabunↄ kũ Hazara burinↄ

⁷kũ Gebalidenↄ kũ Amↄninↄ kũ Amalɛkinↄ kũ Filisitininↄ kũ Tayadenↄo.

⁸Bee se Asirianↄ nàḿma dↄ, de ò ↄ da Lutu burinↄa.

⁹Ǹ kɛńnɛ lákũ n kɛ̀ Midiãnↄnɛ nà, lákũ n kɛ̀ Sisera kũ Yabĩonɛ nà Kisↄ̃i.

¹⁰N ń kɛ́ búgubugu Ɛndↄ, akũ ò gↄ̃̀ katɛna zĩtɛ lán bisaa bà.

¹¹Ǹ kɛ ń wɛ̃nɛnↄnɛ lákũ ò kɛ̀ Orɛbu kũ Zebuonɛ nà. Ǹ kɛ ń kínanɛnↄnɛ lákũ ò kɛ̀ Zɛba kũ Zalamunaonɛ nà.

¹²Mↄ́kↄ̃nↄ mɛ́ ò pì yã, ò Luda sãdãki sɛ́ ń pↄ́ ũ.

¹³Ma Luda, ǹ tó ò gↄ̃ lán sɛ̃̀'ĩampuruu bà, lán ése ũkã kũ ĩa tɛn sɛ́ bà.

¹⁴Lákũ dàkoo dì tɛ́ kũ nà, kesↄ̃ lákũ tɛ́ dì kpinↄ ble nà,

¹⁵ǹ pɛ́tɛńyĩ kũ n zàga'ĩao, ǹ tó n ĩa pãsĩ swɛ̃̀ kɛ̃ńgu.