6Ma aso gò á gã̀aa, ma á ↄ bò ɛ̃bona zĩn.
7A ↄ́ↄ dↄ̀mɛnɛ warikɛgↄrↄa, akũ ma á bó, ma weáwa zaa legũvĩnaa gũn, ma á lɛ́ ma á gwá zaa Mɛriba í kĩnaa.
8À sã kpá ma gbɛ̃nↄ, mani lɛ́ daáwa, ákↄ̃nↄ Isarailanↄ, tó áni ma yã ma dé!
9Àsungↄ̃ buri zĩ̀tↄnↄ tãna vĩ á tɛ́ro, àsun kútɛ dikiri pãndenɛro.
10Makũmɛ Dikiri á Luda ũ, ma á bↄ́tɛ Misila. À á lɛ́ wɛ̃, mani tó à kã.
11Ama Isarailanↄ gì ma yã mai, ma gbɛ̃ pìnↄ dí mì natɛmɛnɛro.
12Akũ ma ń tó kũ ń sãgbãnakɛo, ò tɛ́ ń zĩda pↄyeinaai.
13Tó ò pi Isarailanↄ ni ma yã ma, tó ma gbɛ̃nↄn tɛ́ ma yãi,
14de mani ń ibɛrɛnↄ sↄ̃pɛtɛ gↄ̃̀nↄgↄ̃nↄ, mani ↄ sↄ̃ ń zãngurinↄi.