4Zaakũ yã kũ Dikiri ò bi yãpuramɛ, à náani vĩ a yãkɛnaa gũn pínki.
5À ye yã manai kũ yãzɛdeo, Dikiri yenyĩ andunia pà.
6Dikiri yã'ona mɛ́ à musu kɛ̀, a lɛ́'ĩa mɛ́ à musupↄnↄ pɛ̀pɛ.
7À í kàtɛ gu dokↄ̃nↄ, à gↄ̃̀ ísira ũ, à ínↄ kàkara, à gↄ̃̀ í lòkoto ũ.
8Andunia gbɛ̃ sĩnda pínki, à vĩna kɛ Dikirinɛ, gbɛ̃ bɛ̃nɛnↄ pínki, à mì natɛnɛ.
9Zaakũ à yã ò, akũ andunia gↄ̃̀ katɛna, à yã dìtɛ, akũ pↄ́ sĩnda pínki gↄ̃̀ kun.
10Dikiri dì lɛ́ kũ burinↄ kpàkũsũ kɛ pã, àdi kpá bùsudenↄnɛ kũ pↄ́ kũ òtɛn pɛ́aao.
11Yã kũ Dikiri zɛ̀o dìgↄ̃ zɛna gíngin, yã kũ à a pↄ gbà dìgↄ̃ kun gↄrↄ sĩnda pínki.