4Paske, pawòl Seyè a se verite. Li fè tout bagay jan l' te di l' la.
5Seyè a renmen sa ki dwat, li renmen sa ki san patipri. Toupatou sou latè nou wè jan li gen bon kè.
6Seyè a pale, epi syèl la fèt. Li soufle ak bouch li, tou sa ki nan syèl la fèt.
7Li ranmase tout dlo lanmè a yon sèl kote. Li mete tout dlo ki nan fon lanmè a nan rezèvwa.
8Se pou tout moun sou latè gen krentif pou Seyè a. Se pou tout moun sou latè tranble devan li.
9Paske, li pale, bagay la rive. Li bay lòd, tout bagay fèt.
10Seyè a detounen plan travay peyi yo, li anpeche pèp yo reyalize sa yo te gen lide fè.
11Men, plan travay Seyè a la pou tout tan. Sa l' gen lide fè a ap toujou fèt.
Sòm 33
Sòm 33:4-11