ZABURA 132:1-12

¹Gɛna Yurusalɛmu lɛ̀ɛ. Dikiri, ǹ tó Dauda yã gↄ̃ dↄngu kũ wari kũ à kɛ̀nↄ pínki.

²À la dà Dikirinɛ, à lɛ́ sɛ̀ Yakubu Luda gbãnadenɛ à pì,

³áni gɛ̃ kpɛ́nlo, áni wútɛ a gádoaro,

⁴áni we à idekũ dɛro, áni tó i na a wɛ́aro,

⁵ari à gɛ́ gu leo Dikirinɛ à kpɛ́ bo Yakubu Luda gbãnadenɛ.

⁶O a baaruu mà Ɛflata bùsun, o boa Yarimu bura.

⁷Ò gɛ́ a kúkia, ò kútɛ a tìntin arɛ.

⁸Dikiri, ǹ futɛ ǹ su n kipakia, mↄkↄ̃n kũ n gbãnakɛ àkpatiio.

⁹N gbàgbarinↄ manakɛ da uta ũ, n yãmarinↄ ayuwii gↄ̃ dↄ.

¹⁰Ǹsun mìkpɛrɛ zu kína kũ n kàanɛro n zↄ̀bleri Dauda yãi.

¹¹Dikiri sì kũ a kunnaao Daudanɛ, à náani vĩ, ani lɛ́ litɛro, à pì: Mani n burinↄ doke ká n kpatan.

¹²Tó n burinↄ ma bàka kunna kũńwo yã dà, tó ò yã kũ ma dàńnɛnↄ kũna, ń burinↄ nigↄ̃ vutɛ n kpatan gↄrↄ sĩnda pínki.