Yohana 10:16-29

¹⁶Me he ni tanba bari wa bana u gran yi na. Dole dun mi nji ba ye ngame, u ba wo lan mu u ntma ba ba he ni bubu rhirhi nda he ni ndji u krju ba rhirhi.

¹⁷Ni tu kima, Iti'a ni son me, mi no re mu (iviri) ni ndu mi la ffe ngari.

¹⁸Idiori na ya ban ni me na, ime mi no ni tumu, mi he ni gbengbenle u no, ni he ni gbengbenle u bawu ngari. Mi kpa umurni rji ni Timu.”

¹⁹Ga kpa la lunde ni mi tsutsu Yahudawa nitu lan biyi.

²⁰Gbugbu'u ni mi mba ba tre, aheni brji, ahi indji u siran ngari ani tunge bisi wowu?”

²¹Bari ba tre, biyi bana lan tre biwa ba he ni brji na. Ka indji u brji ni ya bu'u shishi indji u fyen?

²²U ton igan Tsakakewa (Tsiratsira) ni Urushelima a ye tsira'a.

²³Ana iton u ma lu, u Yesu zren si hi ni mi hekeli Suleimanu, wa ba me mu me ziye'a.

²⁴U yahudawa ba lu hrawu kagon na miyen, “Ani tan mba u chuta chuwo ni mi mire.

²⁵Yesu hla bawu, “Mi hla ni yiwu, u bina kpa yenmen na, indu wa mi si tie ni mi nde Bachi, ba tsoro igban mu.

²⁶Naki bina kpayenme na nitu wa bina tamba mu na.

²⁷Itanba mu ba wo me, mi to ba, ba hu me.

²⁸Mi noba re (iviri) u tuntur, ba na to h ikwu na, idiori na ya kpa niwu mu na.

²⁹Iti mu, iwa Ane ba, a zan ndji nikon wawu, idiori na ya u kpa ni wo Ti'a na.