Yohana 10:16-29

¹⁶Kabele ngweti mambelele gange gangabe mukitundu chenje. Mbaligwe kagaleta nagenia, nagenia magalijoa lilobe lyango, na mapaba na kipenga chimwe na nchungi jumwe.

¹⁷“Awawa bambaile ne mana nuboya bwomi gwango mbate kuupokela kabele.

¹⁸Abije mundu ojwa amboka bwomi gwango. Ne nuboya kwa iyali yango namwene. Ngweti kinala chu kuboya ni kinala chu kutola kabele. Nyene ngipibi Awawa apabaamuliche ndende.”

¹⁹Ngukube kabe kupwilikana kati ja Akayahudi kwa magambu ga malobe genia.

²⁰Ajingi ngabalenga, “Akweti nchepela, kabe nga machonjo! Ga nike kumpenikia?”

²¹Bange ngabalenga, “Ganga malobe ga junanchepelaje. Bo, nchepela kuotola kagaeku mio ga bangalola?”

²²Kweno Kuyelusalemu kukiba na chikukuu jukubeka chwapi nyumba ja Nnoongo. Mangobu gena gakiba ga malili.

²³Jwombe Yesu ngabe akajenda munyumba ja Nnoongo panchana gwa Solomoni.

²⁴Bai Akayahudi ngabantindila, ngabankonya, “Mpakutuleka nambwele mpaka lii? Anda mwe nga Kilisto, bai, mutulengele kipola.”

²⁵Yesu ngabajanga, “Nannengelinge, nambu kuaminije. Maengo aga nagatenda ne kwa liina lya Awawa bango gatenda kunjalakicha.

²⁶Nambu mangweto kuaminije magambu mangweto mambelele ganguje.

²⁷Mambelele gango kulijoa lilobe lyango. Nenga nagamanyi, nagena kungengama.

²⁸Nenga nampeganga bwomi gwa machoba goa pangapela, na benia baobangaje machoba goa, wala abije mundu ojwa pakugaotola kagaboya mukuboko jango.

²⁹Awawa bango bombe ngaba mbila gena nga kolongwa kuliko boa, wala abije ojwapakuotola kagaboya mukuboko jabe Awawa.