Yatjayaku 60

1

6

9

11

35

40

42

43

52

53

55

60

61

¹Tjurutjamala nyinapayi pirni, kulila-ya. Kurltjirr-kurltjirrpa-ya nyinarranytjamaalpa pakala nyawa Mama Kuurrku tililu-tjananyanta yutira kanyiranyangka. Nyangka-tjananyantayayi pirnilu nyawa tjirntulupirinypa yirrnyaranyangka.

²Yuwa, Mama Kuurrku tililu-tjananyanta yutira kanyinma. Nyangka-ya yarnangu kutjupa-kutjupa mungalurrta nyinarra.

³Palunyalu-ya tili nyakula nyuntulakutu-tjananyanta wirrtjalku. Puurrpa pirnilutarra-ya nyakula wirrtjalku nyuntulawana-tjananyanta pirlpirlarrarnu-wanarayinnyangka.

⁴Parranyawa-ya. Yarnangu pirninya-ya lurrtjurringu-lurrtjurringu ngurrakutu pitjalayirni. Nyuntuku-tjanampanku katjapirti tiwanguru pitjalayirni. Yuwa, yurntalpatarrartu-ya lurrtju pitjalayirni.

⁵Nyangka-yan nyakulalpi kurrurnpa pukurlarriku. Tjiinyamarntu-ya yarnangu nyarra lurrtju pitjalayintjalu yulytja pirni katiku. Kapingka munkarranguru-ya katiku-tjanampanku nintilku.