Tinata Valavalar 7:2-15

²Una toratorom ta kaugu lavur vartuluai ma una laun, Ma una balaure kaugu vartovo da ra kiau na matam;

³Una vi diat ta ra kaka na limam, Una tumu diat ta ra mapina balam.

⁴Una biti dari ta ra kabinana, U taigu. Ma una vatang ra kapa na nuknuk ba talaim tuna;

⁵Upi dir a balaure bat u kan ra enana vavina, Kan ra enana ba i tatike ra kalakalami na tinata.

⁶Tago iau ga ki ta ra mata na kalangar ta ra kubagu, Ma iau ga gigira irop ta ra ubene tana;

⁷Ma iau ga na tadav tika na barmana i lunga, Pire ra umana tuptup, Ma iau ga gire ilam ia pire ra umana bul;

⁸I alalu ra gunan maravai ta ra pakana ra vavina i ki tana, Ma i mur ra nga ba i vana ta ra kubana,

⁹Ta ra talvivi, ta ra bung na ravian, Ta ra bingnimuna ta ra marum ma ta ra bobotoi.

¹⁰Ma ea, tika na vavina i totongo upi ia ie, I mal da ra paiga na vavina, ma i tavir ra balana.

¹¹A tena varuturut, ma pa i kure kana mamainga, Ma pa i kiki bulu ta ra kubana;

¹²Go i kiki ta ra nga, namur ta ra tavul a bung, Ma i kiki uai ta ra lavur nga varkuvo.

¹³Damana i kinim vake, ma i galum ia, I vamadara ma i biti tana:

¹⁴A umana vartabar ure ra tinabar na varmaram akari piragu; Gori iau tar pait ot pa kaugu vavalima;

¹⁵Kari iau tar irop upi ina totongo up u, Upi ina ongor ma ra tinikan upi ra matam, ma iau tar tikan tadav u.