Proverbs 7:2-15

²Mu rin’ e tin kugog ma ga fos; ngar mu guy rogon ngu’um fol ko machib rog ni bod rogon ni ga ma guy rogon ni ngu’um ayuweg lan owchem.

³Um tay ngan’um ni gubin ngiyal’ e tin ku gu machibnag, ma ga yoloy nga lanin’um.

⁴Mu tay e gonop ni bod be’ ni bpin ni walagem, ma ga tay e tamilangan’ ni bod be’ nri gimew ba pach.

⁵Ya ra tem u orel rok pi le’engin yug boch e pumo’on, me tem u orel rok e pi’in ppin ni bfel’ e thin ni yad be yog, machane yad be guy rogon e pumo’on ni nge aw ko wup rorad.

⁶Bay ba ngiyal’ ni ku gu par u naun rog gu be changar u langan e winda nga wean,

⁷mu gguy bo’or e pagel nder nanged fan bo’or ben’en, mu gguy bagayad nrib balyang.

⁸Ya be yan u daken e kanawo’ nib chugur ko gin ma par fare pin riy, ni be yan nib chugur ko naun rok e re pin nem

⁹ni kafin yigi aw e lumor.

¹⁰Ma aram me yib fare pin ngak, nike munmad ni bod rogon be’ ni bpin nma pi’ ir ni chuway’, ni ta’abn’en e bay u lanyan’.

¹¹Re pin nem e der tamdag ma der tamra’, yugu ma yanyan u kanawo’. (

¹²Bayi n’en me yan i sak’iy ko m’ing ko kanawo’, ma yu ngiyal’ e ma sak’iy u kanawo’, ma yu ngiyal’ e ma yan i sak’iy ko yungin’en ni bay e market riy.)

¹³Me yan i gumuchmuch ngak fare pagel nge farey owchen, me lik’ath ngalan mit me ga’ar ngak,

¹⁴“Kug pi’ e gamanman ni maligach e daba’, ere bay e ufin riy u tabinaw rog.

¹⁵Ku gub ni gu be gayem ni gu be finey ni manga yuggu piri’egem, me ere kadmada’gow u roy!