Tinata Valavalar 7:17-26

¹⁷Iau ga imimire ra bira na davai, ra alo, ma ra sinamon ta kaugu vava.

¹⁸Una mai, dor a gugu varurung tuk tar ta ra malana; Dor a ga ma ra varmananai vargil.

¹⁹Tago kaugu tutana pa i ki ati, I tar vana vailik;

²⁰I tar kap ra popopoi na mani, Ma na talil mulai ta ra kubana ba i palaioko ra gai.

²¹I vavamaram ia ma kana mari na tinata, Ma i vo pa ia ma kana kalami na pirpir.

²²I mur vuavue, Da ra bulumakau i vana upi da doka, Ba da ra pap upi da vi ia,

²³Tuk tar ta ra pakana bung ba ra pu i tur ra katina; Da ra beo i pukai lulut ta ra kun, Ma pa i nunure ba na virua tana.

²⁴Kari, a umana bul, avat a valongore iau, Ma avat a nuk pa kaugu tinata.

²⁵Koko ra nuknukim na vana irai ta kana mangamangana, Ma koko una rara ta kana lavur nga.

²⁶Tago i tar rapue vakinkin mangoro; Maia, diat dia tar virua ure, a peal tuna diat.