Tinata Valavalar 2:8-18

⁸Upi na balaure ra nga ure ra takodo na varkurai, Ma na mono bat ra nga kai kana lavur dovot na tena lotu.

⁹Damana una matoto ta ra mangamangana takodo, ta ra takodo na varkurai, Ma ta ra dovot na mangamangana, maia, ma ta ra lavur bo na nga.

¹⁰Tago ra kabinana na ruk ta ra nuknukim, Ma ra balam na gugu ta ra minatoto;

¹¹A ninunuk lua na mono bat u, Ma ra kapa na ninunuk na mataure u;

¹²Upi na valaun u kan ra kaina nga, Kan ra tarai dia tatike ra magit i gegagege,

¹³Nina dia vana kan ra lavur takodo na nga, Upi diat a vanavana ta ra lavur nga na bobotoi,

¹⁴Nina dia ga upi diat a pait ra varpiam, Ma dia manga gugu ta ra kaina tavir,

¹⁵Diat ba i gegagege kadia lavur nga, Ma dia rara ta kadia vinavana;

¹⁶Upi na langalanga kan ra enana vavina, Kan ra vaira iat nina i varmananai vavaongo ma kana tinata,

¹⁷Nina i leingane talaina i ga manane ba i ga inip boko, Ma i valubane ra kunubu kai kana God;

¹⁸Tago ra kubana i kokopo upi ra minat, Ma kana lavur nga dia vana rikai pire diat dia tar mat;