Zinama Tumatumae 2:8-18

⁸ura toketoke ni Sa sarini pu tavete va leana meke kopu totoko ni sa sarini pu luli va leana ia si Asa.

⁹Meke kote gilania goi gua sapu toṉoto meke gotogoto, meke kote dogoria goi sa siraṉa toṉotona pude lulia.

¹⁰Ura sa ginilagilana lohina si kote nuquru pa bulomu, meke sa tinumatumae si kote lomoso pa maqomaqomu.

¹¹Sa binalabala leanadi kote kopu nigo si agoi, meke ginilagilana kote lavelave nigo.

¹²Ginilagilana lohina kote harupu igo koari na hahanana tadi na tie kaleadi, meke koari tie sapu boni dia zinama,

¹³saripu veko pani sari na siraṉa toṉotodi, meke ene pa hahanana huporodi,

¹⁴sarini pu hapahapa nia sa tinavete kaleana, meke qetu nia sa boni pa korapana sa kinaleana,

¹⁵saripu koqi dia siraṉa, meke dia hahanana sekesekei si lopu toṉoto.

¹⁶Kote harupu igo tugo sa pa binarabarata, koari na zinama variva hoqadi tanisa barikaleqe maqota,

¹⁷pu veko pania sa loana, meke muliṉi nia sa vinariva egoi ta tavete koe Tamasa.

¹⁸Ura sa vetu tanisa si turaṉa tie la pa minate, meke sa siraṉa tanisa si la koari na maqomaqodi ri na tie matedi.